မိဘတိုင်းဟာ သားသမီးတို့ရဲ့ အမှတ်တရတွေကို ပုံဖော်ထင်ချန်ထားစမြဲပါ။ ဒီခေတ်ကြီးထဲမှာတော့ သားသားမီးမီးတို့ရဲ့ ဖြတ်သန်းလာခဲ့တဲ့ ဘဝကို မှတ်တမ်းတင်နိုင်ဖို့ နည်းလမ်းတွေအများကြီး ပေါ်ပေါက်လာပါပြီ။

ဒီထဲကမှ မိဘတွေ မတွေးမိတဲ့ Idea လေးတစ်ခုကို ခုပဲ စတင်အကောင်အထည် ဖော်ကြည့်ကြရအောင်။

ကလေးမွေးပြီဆိုတာနဲ့ သူ့အတွက် Facebook Account တစ်ခုကို ကြိုတင်ဖွင့်ပေးထားသင့်ပါတယ်။ သူ့မွေးနေ့မှာ ဖွင့်ပေးနိုင်ရင် အကောင်းဆုံးပါပဲ။ သူဖြတ်သန်းခဲ့ရတဲ့ တစ်လတာ တစ်နှစ်တာ ဆယ်နှစ်တာ စတဲ့ ခရီးမိုင်တိုင်ပေါင်းများစွာမှာ အထိမ်းအမှတ်နေ့တိုင်း ပုံတွေ စာတွေ တင်ပေးထားသင့်ပါတယ်။

ယနေ့ခေတ်မိဘတွေကတော့ ကလေးတွေအတွက် အကောင့်သီးသန့် ဖွင့်ပေးခြင်း သိပ်မရှိသေးဘဲမိဘဖြစ်သူတွေရဲ့ ကိုယ်ပိုင် အကောင့်မှာသာ ကလေးငယ်တို့ရဲ့ ပုံတွေ တင်လေ့ရှိပါတယ်။ ကလေးငယ်အတွက် သီးသန့်အကောင့်ကတော့ ဖွင့်ပေးထားသင့်ပြီး သူ့ရဲ့နေ့စဉ်လုပ်ငန်းဆောင်တာများကို မိဘတို့က အမှတ်တရ သိမ်းပေးရင်း သူကြီးပြင်းလာတဲ့ တစ်နေ့မှာ သူဖြတ်သန်းခဲ့ရတာတွေကို ပြန်လည်ခံစားနိုင်မှာ ဖြစ်ပါတယ်။

ကလေးလေး ထမင်းစစားတာ လမ်းစလျှောက်နိုင်တာ ပထမဆုံးစကားပြောနိုင်တာ ကျောင်းစတက်ရတာ စတဲ့ အမှတ်အသားလေးတွေကို ကလေးကိုယ်စား မိဘတွေက ပြုလုပ်ပေးသင့်ပါတယ်။ ဒါပေမယ့် ငယ်ရွယ်သေးချိန်မှာတော့ ကလေးကို ကိုယ်တိုင်မသုံးစေဘဲ သူကြီးပြင်းလာပြီး ကိုယ်ပိုင်ဆုံးဖြတ်ချက်ချနိုင်တဲ့ အရွယ်မှသာ မိဘများက သတ်သတ်မှတ်မှတ် ပြုလုပ်ပေးပြီး အကောင့်ကို ပေးသုံးစေလိုပါတယ်။