ကိုယ့် အင်တာနက်အမြန်နှုန်းကို စစ်ဆေးကြမယ်

တခါတလေ အင်တာနက် အသုံးပြုနေတုန်းမှာ ကိုယ်သုံးနေတဲ့လိုင်းက သာမန်ထက်သိသိသာသာကျသွားတာမျိုးကို ကြုံဖူးကြမှာပါ။ အဲ့ဒီအချိန်မှာ Network Single ကတော့ 3G ဒါမှမဟုတ် 4G ပဲပြနေမှာဖြစ်ပေမယ့် တကယ်တမ်း လိုင်းကအမြန်နှုန်းဘယ်လောက်ရှိနေသလဲဆိုတာကို သိဖို့ခက်တာပဲဖြစ်ပါတယ်။

အဲ့ဒီအတွက် တကယ်လို့ ကိုယ်သုံးနေတဲ့ WiFi ဒါမှမဟုတ် Mobile Internet တစ်ခုခုက နှေးသွားပြီလို့ခံစားရတယ်ဆိုရင် တကယ် အမြန်နှုန်းက ဘယ်လောက်ထိရှိနေသလဲဆိုတာကို သိနိုင်တဲ့နည်းလမ်းတစ်ခုကို ဝေမျှပေးချင်ပါတယ်။ အဲ့ဒါကတော့ အချို့သောသူတွေကတော့ သိပြီးဖြစ်နေမယ့် Speedtest Application ပဲဖြစ်ပါတယ်။

Speedtest App ကို အရင်ဆုံးအနေနဲ့ Google Play Store ဒါမှမဟုတ် Apple App Store မှာ Download ရယူနိုင်ပြီး စမ်းသပ်နိုင်မှာပဲဖြစ်ပါတယ်။ အဆိုပါ Application ဟာ လက်ရှိ Google Play Store မှာလည်း Download ရယူအသုံးပြုသူ သန်း ၁၀၀ ကျော်ရှိနေပြီဖြစ်တဲ့ App တစ်ခုလည်းဖြစ်ပါတယ်။

အခုလိုမျိုး Speedtest ကနေ အမြန်နှုန်းကို စမ်းသပ်တဲ့အချိန်မှာ Ping Response Time ၊ Download နဲ့ Upload Speed တွေကို ဖော်ပြပေးမှာဖြစ်ပြီး Online Mulitplayer Game တွေကစားတဲ့သူတွေကလွဲပြီးတော့ အခြားသောသာမန်သူတွေအတွက်ကတော့ Ping ရလဒ်က အရေးသိပ်မကြီးဘူးလို့ ပြောလို့ရပါတယ်။

အဓိက တိုင်းတာတဲ့အချိန်မှာ ကြည့်ရမယ့်အချက်ကတော့ Download Speed နဲ့ Upload Speed ပဲဖြစ်ပြီးတော့ လက်တလောမှာ Mobile Broadband နဲ့ Router ကတစ်ဆင့် ချိတ်ဆက်တဲ့ Wireless AP Network အများစုက ကိုယ်အသုံးပြုတဲ့ အမြန်နှုန်းအပေါ်မှုတည်ပြီး အများအားဖြင့် 4Mbps ကနေ 8Mbps အတွင်းရှိတတ်ပြီး စမတ်ဖုန်း SIM Card ကနေ အသုံးပြုတဲ့ Mobile Internet တွေကတော့ သိသိသာသာကို ပိုပြီးမြန်ဆန်မှာပဲဖြစ်ပါတယ်။  တစ်ခုရှိတာကတော့ အခု အမြန်နှုန်းဟာ နေရာအပြင် အသုံးပြုထားတဲ့ဖုန်းအမျိုးအစားအပေါ်မှုတည်ပြီးတော့ ပြောင်းလဲနိုင်တဲ့အတွက် ဒီတစ်ချက်ကတော့ ထည့်ပြီး စဉ်းစားထားရမှာဖြစ်ပါတယ်။

ဘာပဲဖြစ်ဖြစ် လိုင်းမကောင်းဘူးဆိုရင် Speedtest နဲ့ စစ်ကြည့်လိုက်ဦးနော်။