Motorola ရဲ့ ပထမဆုံး Android Go ဖုန်းဖြစ်လာမယ့် Moto C2

ဈေးနှုန်းသက်သာပြီးတော့ စွမ်းဆောင်ရည်အနိမ့်ပိုင်းဖုန်းတွေအတွက် သီးသန့် ထုတ်ပေးထားတဲ့ Android Go OS ဟာ အခုအချိန်မှာပိုပြီး အောင်မြင်လာပြီဖြစ်ပါတယ်။ လက်ရှိအချိန်မှာ Nokia ၊ Huawei ၊ ZTE နဲ့ စမတ်ဖုန်းထုတ်လုပ်သူအများအပြားက Android Go ဖုန်းတွေကို ထုတ်လုပ်နေသလိုပဲ အခုအချိန်မှာလည်း Motorola ကနေ ထပ်မံထုတ်လုပ်ဦးမယ်လို့ သိရပါတယ်။

Motorola က အသစ်ထုတ်လုပ်မယ့် Android Go စမတ်ဖုန်းကို Moto C2 လို့ နာမည်ပေးထားပြီးတော့ အဆိုပါ စမတ်ဖုန်းက Motorola အတွက် ပထမဆုံး Android Go ဖြစ်လာမယ့်အပြင် ဈေးအသက်သာဆုံးလည်း ဖြစ်လာမှာပါ။

လက်ရှိထွက်ပေါ်လာတဲ့သတင်းတွေအရတော့ Motorola C2 စမတ်ဖုန်းက Qualcomm ရဲ့ Quad Core Processor ကိုအသုံးပြုထားပြီးတော့ RAM 1GB နဲ့ Storage 16GB ပါဝင်မှာပဲဖြစ်ပါတယ်။ Display ကတော့ 5″ နဲ့ 5.2″ အတွင်းပဲရှိနေမှာဖြစ်ပါတယ်။

Motorola C2 စမတ်ဖုန်းက လက်ရှိ Android Go စမတ်ဖုန်းတွေထဲမှာ 4G ကိုထောက်ပံ့ပေးနိုင်တဲ့ စမတ်ဖုန်းတစ်ခုလည်းဖြစ်လာမှာဖြစ်ပြီးတော့ Battery အနေနဲ့ကတော့ 2000mAh ဝန်းကျင်ပဲရှိမယ်လို့ သိရပါတယ်။