[Zawgyi]

Samsung Galaxy Note8 ဟာ လာမယ့္ ေဖေဖာ္ဝါရီလအတြင္းမွာ Android 9 Pie Firmware Updates ကို ရရွိလိမ့္မယ္လို႔ သတင္းထြက္ေပၚလာပါတယ္။ ဒါေပမယ့္ Samsung Galaxy S8 နဲ႔ S8+ တို႔ကေတာ့ Note8 ထက္ တစ္လေနာက္က်ဖြယ္ရွိၿပီး မတ္လထဲမွာမွ Update ကို ရရွိႏိုင္မယ္လို႔ သိရပါတယ္။

ဒီသတင္းအခ်က္အလက္ေတြဟာ Samsung Members App ထဲမွာေဖာ္ျပထားတဲ့ Update Roadmap အရ ျဖစ္တယ္လို႔ GSMarena က ေဖာ္ျပထားပါတယ္။ ဒီသတင္းအတိုင္းသာ အမွန္ဆိုရင္ေတာ့ Galaxy Note ေတြဟာ ပုံမွန္မဟုတ္ဘဲ ေစာၿပီးေတာ့ အဓိက Update ေတြကို လက္ခံရရွိတာလို႔ ဆိုရမွာပါ။

ပုံမွန္အတိုင္းဆိုရင္ေတာ့ အဓိက OS Update ေတြဆိုရင္ Galaxy S ေတြက ပိုၿပီးေစာေစာရေလ့ရွိပါတယ္။ ဘာေၾကာင့္လဲဆိုေတာ့ ေဈးကြက္ထဲကို ပို႔ေဆာင္တဲ့အစဥ္အတိုင္း ဦးစားေပးထားတာေၾကာင့္ျဖစ္ပါတယ္။ ဒါေပမယ့္ အခုေဖာ္ျပထားတဲ့ Update Roadmap ဟာ သီးျခားသတ္မွတ္ထားတဲ့ ေဈးကြက္အတြက္ပဲျဖစ္ၿပီး ႏိုင္ငံတကာေဈးကြက္အတြက္ မဟုတ္ဘူးလို႔လည္း သိရပါတယ္။

Samsung Turkey ရဲ႕ Roadmap မွာေတာ့ Galaxy Note8, Galaxy S8 နဲ႔ S8+ ေတြဟာ ေဖာ္ေဖာ္ဝါရီလထဲမွာပဲ Android 9 Pie Update ေတြရရွိမယ္လို႔ ေဖာ္ျပထားေၾကာင္းလည္း သိရပါတယ္။ Galaxy Note9 ေတြကေတာ့ ၿပီးခဲ့တဲ့ႏွစ္ ဒီဇင္ဘာလဆန္းကတည္းက Beta Version ေတြရခဲ့ၾကတာျဖစ္ၿပီး ဒီလ ၁၅ ရက္ေန႔မွာ Android 9 Pie Final Update ကို ထုတ္ေပးမယ္လို႔ Samsung Turkey Site က ထုတ္ျပန္ေၾကညာခဲ့ၿပီး ျဖစ္ပါတယ္။

Ref: GSMarena

[Unicode]

Galaxy S8 ထက်စောပြီး Android 9 Pie ရလာဖွယ်ရှိတဲ့ Note8

Samsung Galaxy Note8 ဟာ လာမယ့် ဖေဖော်ဝါရီလအတွင်းမှာ Android 9 Pie firmware updates ကို ရရှိလိမ့်မယ်လို့ သတင်းထွက်ပေါ်လာပါတယ်။ ဒါပေမယ့် Samsung Galaxy S8 နဲ့ S8+ တို့ကတော့ Note8 ထက် တစ်လနောက်ကျဖွယ်ရှိပြီး မတ်လထဲမှာမှ Update ကို ရရှိနိုင်မယ်လို့ သိရပါတယ်။

ဒီသတင်းအချက်အလက်တွေဟာ Samsung Members app ထဲမှာဖော်ပြထားတဲ့ Update roadmap အရ ဖြစ်တယ်လို့ GSMarena က ဖော်ပြထားပါတယ်။ ဒီသတင်းအတိုင်းသာ အမှန်ဆိုရင်တော့ Galaxy Note တွေဟာ ပုံမှန်မဟုတ်ဘဲ စောပြီးတော့ အဓိက Update တွေကို လက်ခံရရှိတာလို့ ဆိုရမှာပါ။

ပုံမှန်အတိုင်းဆိုရင်တော့ အဓိက OS update တွေဆိုရင် Galaxy S တွေက ပိုပြီးစောစောရလေ့ရှိပါတယ်။ ဘာကြောင့်လဲဆိုတော့ ဈေးကွက်ထဲကို ပို့ဆောင်တဲ့အစဉ်အတိုင်း ဦးစားပေးထားတာကြောင့်ဖြစ်ပါတယ်။ ဒါပေမယ့် အခုဖော်ပြထားတဲ့ Update roadmap ဟာ သီးခြားသတ်မှတ်ထားတဲ့ ဈေးကွက်အတွက်ပဲဖြစ်ပြီး နိုင်ငံတကာဈေးကွက်အတွက် မဟုတ်ဘူးလို့လည်း သိရပါတယ်။

Samsung Turkey ရဲ့ roadmap မှာတော့ Galaxy Note8, Galaxy S8 နဲ့ S8+ တွေဟာ ဖော်ဖော်ဝါရီလထဲမှာပဲ Android 9 Pie update တွေရရှိမယ်လို့ ဖော်ပြထားကြောင်းလည်း သိရပါတယ်။ Galaxy Note9 တွေကတော့ ပြီးခဲ့တဲ့နှစ် ဒီဇင်ဘာလဆန်းကတည်းက Beta version တွေရခဲ့ကြတာဖြစ်ပြီး ဒီလ ၁၅ ရက်နေ့မှာ Android 9 Pie Final Update ကို ထုတ်ပေးမယ်လို့ Samsung Turkey site က ထုတ်ပြန်ကြေညာခဲ့ပြီး ဖြစ်ပါတယ်။

Ref: GSMarena