PHP ဆိုတာ ၁၉၉၀ ပြည့်လွန်နှစ်တွေကတည်းက စတင်ပေါ်ပေါက်ခဲ့ပြီး ဝဘ်ဆိုက်တွေ လည်ပတ်ဖို့အတွက် အဓိက အသုံးပြုတဲ့ programming language တစ်ခု ဖြစ်ပါတယ်။ လက်ရှိ အင်တာနက်ပေါ်က ဝဘ်ဆိုက်တွေရဲ့ ၇၅ ရာခိုင်နှုန်းလောက်ဟာ PHP ကို အခြေခံ တည်ဆောက်ထားတာ ဖြစ်ပါတယ်။
အဲဒီလို အရေးပါတဲ့ PHP မှာ နှစ်အတော်ကြာ ရှိနေတဲ့ လုံခြုံရေး အားနည်းချက်တွေကြောင့် ပြင်သစ်၊ ဒိန်းမတ်၊ ဖင်လန်နဲ့ နယ်သာလန် စတဲ့ ဥရောပနိုင်ငံတွေက အစိုးရ ဝဘ်ဆိုက်တွေကို လုံခြုံရေးအရ ယာယီ ပိတ်ထားရပါတယ်။
အဲဒီ အားနည်းချက်တွေကို Wiz Atlas, Google ရဲ့ Gemini 4 Argon နဲ့ OpenAI ရဲ့ GPT-5.6 Sol စတဲ့ AI နည်းပညာတွေကို အသုံးပြုပြီး ရှာဖွေတွေ့ရှိခဲ့တာ ဖြစ်ပါတယ်။ AI နည်းပညာတွေ မရှိခင်ကဆိုရင် ဒီလို အားနည်းချက်တွေကို ရှာဖွေဖို့ဆိုတာ လူတွေအတွက် အလွန်ခက်ခဲပါတယ်။
လွန်ခဲ့တဲ့ အနှစ် ၂၀ အတွင်း ထွက်ရှိခဲ့တဲ့ PHP ဗားရှင်းတွေကို အသုံးပြုထားတဲ့ ဆာဗာတွေ အားလုံးမှာ ဒီအားနည်းချက် ရှိနေနိုင်တာမို့ ကမ္ဘာတစ်ဝန်းက အင်တာနက် ဝဘ်ဆိုက် အများစုအပေါ် သက်ရောက်မှု ရှိနေပါတယ်။
လက်ရှိမှာတော့ PHP developer တွေက အရေးပေါ် ပြုပြင်ရေးတွေ ထုတ်ပေးထားပြီး ဟက်ကာတွေ အခွင့်ကောင်းမယူခင် ချက်ချင်း update လုပ်ကြဖို့ ဝဘ်ဆိုက်ပိုင်ရှင်တွေကို ဥရောပနဲ့ အာရှက ဆိုက်ဘာလုံခြုံရေး အေဂျင်စီတွေက အရေးပေါ် တိုက်တွန်းထားပါတယ်။
Ref: reuters
