Honor 9X Pro ကို ပြီးခဲ့တဲ့နှစ် ဇူလိုင်လက တရုတ်မှာ ကြေညာခဲ့ပြီး အခုတော့ ၂၄ ရက်နေ့မှာ တစ်ကမ္ဘာလုံးအတွက် မိတ်ဆက်တော့မှာပါ။ Honor ဥက္ကဌ George Zhao က Facebook မှာ ကြေညာလိုက်တာ ဖြစ်ပြီး 9X Pro မှာ Huawei Mobile Services (HMS) ထည့်သွင်းထားမယ်လို့ ပြောပါတယ်။ HMS ပါတဲ့ Honor ရဲ့ ပထမဆုံး စမတ်ဖုန်း ဖြစ်လာမှာပါ။
Honor 9X Pro မှာ Kirin 810 SoC မောင်းနှင်ထားပြီး တရုတ်မှာလိုပဲ 8/128GB နဲ့ 8/256GB တွေ ထုတ်လုပ်ထားမှာပါ။ တရုတ် မော်ဒယ်မှာ Android 9 Pie အခြေပြု EMUI 9.1 ထည့်ထားပြီး Global Version မှာ Android 10 အခြေပြု EMUI 10 ပါလာနိုင်ပါတယ်။
9X Pro မှာ ၆.၅၉ လက်မ FHD+ Notchless မျက်နှာပြင် ထည့်သွင်းထားပြီး ဘေးဘက် လက်ဗွေရာ ကိရိယာ ပါလာပါတယ်။ 10W Charging ပါတဲ့ 4,000mAh ဘက်ထရီ ထည့်သွင်းထားပါတယ်။ 16MP Pop-up ဆဲလ်ဖီး ကင်မရာ တပ်ဆင်ထားပြီး အနောက်ဘက်မှာ 48MP ပင်မ၊ 8MP Ultrawide နဲ့ 2MP Depth ကင်မရာတွေ ပါလာပါတယ်။
Ref : gsmarena
