Coronavirus ကြောင့် ရုံးခန်းနဲ့ အများပြည်သူ တည်နေရာတွေမှာ Mask ကို မဖြစ်မနေ တပ်ဆင်လာကြရပါတယ်။ ဒါပေမယ့် Mask တပ်ဆင်ထားရင် iPhone ကို Unlock လုပ်လို့ မရတဲ့ ပြဿနာ ရှိခဲ့ပါတယ်။
အခုတော့ Apple က အဲဒီပြဿနာကို ဖြေရှင်းဖို့ iOS 15.4 Beta မှာ Mask တပ်ထားရင်း Face ID နဲ့ iPhone ကို Unlock ပြုလုပ်နိုင်အောင် ဖန်တီးပေးလိုက်ပါပြီ။ iOS 15.4 Beta ရဲ့ Face ID & Passcode Settings အသစ်မှာ Face ID with Mask ဆိုတဲ့ Option အသစ် ထည့်သွင်းပေးထားပြီး အသုံးပြုပုံကို အောက်မှာ ဖော်ပြပေးမှာပါ။ ဒါပေမယ့် ဒီ လုပ်ဆောင်ချက်အသစ်ဟာ iPhone 12 နဲ့ နောက်ပိုင်းထုတ် မော်ဒယ်တွေမှာပဲ အလုပ်လုပ်ပါတယ်။
အသုံးပြုနည်း
- Settings> Face ID & Passcode ထဲသွားပါ။
- သင့်ရဲ့ Passcode ထည့်သွင်းပါ။
- Face ID with Mask ကို On ပေးပါ။
ဒါဆိုရင် Face ID က မျက်နှာတစ်ခုလုံးကို မဟုတ်ဘဲ မျက်လုံးဧရိယာတစ်ဝိုက်က သွင်ပြင်လက္ခဏာတွေကိုပဲ အာရုံခံ စစ်ဆေးမှာပါ။
နောက်ထပ် လုပ်ဆောင်ချက် အသစ် ၁ ခုက Add Glasses ဖြစ်ပြီး မျက်မှန် ဝတ်ဆင်သူတွေအတွက် အသုံးဝင်ပါတယ်။
Apple က Face ID with Mask ကို ပိတ်ထားရင် Face ID ဟာ ပိုမိုတိကျတယ်လို့ ပြောထားပါတယ်။ ဒါပေမယ့် Mask တပ်ပြီး ဖုန်းကို မကြာခဏ Unlock လုပ်နေသူတွေအတွက် Face ID with Mask က အသုံးဝင်ပါတယ်။
Ref : macworld
