မြန်မာနိုင်ငံမှ တယ်လီနော အသုံးပြုသူများအတွက်  ‘Call Like Home’ ပရိုမိုးရှင်းအစီအစဉ်ကို မိတ်ဆက်လိုက်စတင်မိတ်ဆက်လိုက်ပါပြီ။ ထိုင်း၊ တရုတ်၊ မလေးရှားနှင့် ဘင်္ဂလားဒေ့ရ်ှနိုင်ငံတို့ရှိ မည်သည့်ဖုန်းနံပါတ်ကိုမဆို အလွယ်တကူ ဖုန်းခေါ်ဆိုနိုင်တော့မှာဖြစ်ပါတယ်။ ယခုစတင်မိတ်ဆက်လိုက်သည့် အထူးပရိုမိုးရှင်းအစီအစဉ်အရ တယ်လီနော ကြိုတင်ငွေဖြည့်ဖုန်းကတ်သုံးစွဲသူများအနေနှင့် အဆိုပါ လေးနိုင်ငံရှိ မိုဘိုင်းနှင့်လိုင်းဖုန်းများကို အထူးနှုန်းထား တစ်မိနစ်လျှင် ၂၇ ကျပ်ဖြင့် တိုက်ရိုက်ဖုန်းခေါ်ဆိုနိုင်တော့မှာဖြစ်ပါတယ်။ အဆိုပါနိုင်ငံများသို့ ပုံမှန် တိုက်ရိုက်ဖုန်းခေါ်ဆိုမှု နှုန်းထားများဟာဆိုလျှင် တစ်မိနစ်လျှင် ၂၀၀ ကျပ် ကျသင့်မှာဖြစ်သည့်အတွက် ဤအစီအစဉ်အသစ်အား အသုံးပြု၍ ဖုန်းခေါ်ဆိုမည်ဆိုပါက ၈၇% အထိ ကုန်ကျစရိတ်သက်သာသွားမှာပါ။

အခုလိုမျိုး နိုင်ငံရပ်ခြားဖုန်းခေါ်ဆိုမှု နှုန်းထားအသစ်ကို တယ်လီနောက ပထမဦးဆုံး မိတ်ဆက်လိုက်တာ ဖြစ်ပါ တယ်။ ဒီလိုနှုန်းထားအသစ်တွေ မိတ်ဆက်လိုက်တဲ့အတွက်ကြောင့် အာရှတခွင်မှာ ပိုမိုဆက်သွယ်ချိတ်ဆက်နိုင်လာ တဲ့ အကျိုးကျေးဇူးကို ကျွန်တော်တို့ တယ်လီနောသုံးစွဲသူတွေ ခံစားလာရမှာပါ။ တရုတ်၊ ထိုင်း၊ မလေးရှားနဲ့ ဘင်္ဂလားဒေ့ရ်ှနိုင်ငံတွေမှာရှိနေတဲ့ မိတ်ဆွေသူငယ်ချင်း၊ မိသားစု ဒါမှမဟုတ် စီးပွားရေးအဆက်အသွယ်တွေဆီကို ဖုန်းခေါ်ဆိုရာမှာ ပြည်တွင်းနှုန်းထားနဲ့ သိပ်မကွာတဲ့ ဈေးနှုန်းနဲ့ ခေါ်ဆိုနိုင်ပါပြီ။ ဥပမာ မြန်မာနိုင်ငံကနေ ဘန်ကောက် သို့မဟုတ် ဘေဂျင်းမြို့ကို ဖုန်းခေါ်တဲ့အခါ ပြည်တွင်းက တခြားမြို့တစ်မြို့ကို ဖုန်းခေါ်သလိုပဲ လွယ်ကူပြီး ဈေးနှုန်း သက်သာမှာ ဖြစ်ပါတယ်” ဟု တယ်လီနောမြန်မာ၏ ဈေးကွက်ဖော်ဆောင်ရေး အရာရှိချုပ်ဖြစ်သူ Joslin Myrthong က ပြောကြားခဲ့ပါတယ်။

အသုံးပြုသူများ အနေနှင့် အပတ်စဉ်သုံးနှင့် လစဉ်သုံးနှစ်မျိုးရှိသည့် နိုင်ငံရပ်ခြား တိုက်ရိုက်ဖုန်းခေါ်ဆိုမှု အစီအစဉ်များအနက်မှ ကြိုက်နှစ်သက်ရာ အစီအစဉ်ကို My Telenor App မှတဆင့် ရယူနိုင်မှာဖြစ်ပါတယ်။ အပတ်စဉ်သုံး ဖုန်းခေါ်ဆိုမှု အစီအစဉ်ကိုရယူလိုပါက 500 သို့ IW27ဟုရိုက်နှိပ်၍ စာတိုပေးပို့ခြင်းဖြင့်ဖြစ်စေ၊ *979*2*5*1# သို့ ဖုန်းခေါ်ဆို၍ ဖြစ်စေရယူနိုင်ပါတယ်။ အလားတူပင် လစဉ်သုံး ဖုန်းခေါ်ဆိုမှု အစီအစဉ်အား ရယူလိုလျှင်တော့ 500 သို့ IM27 ဟုရိုက်နှိပ်၍ စာတိုပေးပို့ခြင်းဖြင့်ဖြစ်စေ၊ *979*2*5*3# သို့ ဖုန်းခေါ်ဆို၍ ဖြစ်စေ ရယူနိုင်မှာပါ။

အပတ်စဉ်သုံး ဖုန်းခေါ်ဆိုမှု အစီအစဉ်အား တစ်ခါစာရင်းသွင်း ရယူပါက ကုန်သွယ်လုပ်ငန်းခွန် အပါအဝင် ၄၅၀ ကျပ် ကျသင့်မှာဖြစ်ကာ လစဉ်သုံး ဖုန်းခေါ်ဆိုမှု အစီအစဉ်အား တစ်ခါ စာရင်းသွင်း ရယူပါက ကုန်သွယ်လုပ်ငန်းခွန် အပါအဝင် ၁၅၀၀ ကျပ် ကျသင့်သွားမှာဖြစ်ပါတယ်။ ဤ ပရိုမိုးရှင်းအစီအစဉ်အား တယ်လီနော၏ Prepaid အသုံးပြုသူများသာလျှင် ရယူအသုံးပြုနိုင်မည်ဖြစ်ပြီး ၀ယ်ယူထားသည့် အစီအစဉ်များ ကုန်ဆုံးသည့်အခါ အလိုအလျောက် သက်တမ်းတိုး ရယူခြင်းမရှိသည့်အတွက် သုံးစွဲသူကိုယ်တိုင်က ထပ်မံဝယ်ယူရန်လိုအပ်ပါလိမ့်မယ်။

တယ်လီနောသည် အသုံးပြုသူများအား အသက်သာဆုံးနှင့် ဆန်းသစ်မှုအရှိဆုံး ဝန်ဆောင်မှုများ ပေးအပ်နိုင်ရေး ရည်သန်ချက်နှင့် အညီ အနာဂတ်တွင်လည်း နိုင်ငံတ၀ှမ်းက အသုံးပြုသူများကို ပိုမိုဆန်းသစ်သည့် ဝန်ဆောင်မှုများ၊ ပရိုမိုးရှင်း အစီအစဉ်များကို ပေးအပ်နိုင်ရန် နည်းလမ်းများကို အမြဲ ကြိုးစားရှာဖွေလျက်ပါ။‘‘Call Like Home’’ နိုင်ငံခြား တိုက်ရိုက်ဖုန်းခေါ်ဆိုမှု အထူးနှုန်းထား ပရိုမိုးရှင်းနှင့်အလားတူ အထက်ဖော်ပြပါ လေးနိုင်ငံအပြင် စင်ကာပူ၊ ပါကစ္စတန်၊ အင်ဒိုနီးရှားနှင့် ထိုင်ဝမ်သို့ သွားလာလည်ပတ်သည့် တယ်လီနောသုံးစွဲသူများအတွက် Asia 8 Data Roaming ပရိုမိုးရှင်းကိုလည်း ဧပြီလက မိတ်ဆက်ခဲ့ပေးပြီးပါပြီ။ အဆိုပါ Asia 8 အစီအစဉ်အရ တယ်လီနော အသုံးပြုသူများ သည် အသက်သာဆုံး နှုန်းထား တစ်မဂ္ဂါဘိုက်လျှင် (အခွန်မပါ) ၈ ကျပ် ဖြင့် အင်တာနက်ကို သုံးစွဲနိုင်မှာဖြစ်ပါတယ်။