Redmi K50S Pro ရဲ့ ရုပ်လုံးဟာ တဖြည်းဖြည်း ပေါ်လာပါပြီ။ အဲဒီဖုန်းဟာ 200MP ကင်မရာ ပါတဲ့ Xiaomi ရဲ့ ပထမဆုံး ဖုန်း ဖြစ်လာမယ်လို့ သတင်းထွက်နေပါတယ်။
200MP ကင်မရာက တော်တော် အထင်ကြီးစရာ ကောင်းပြီး ကျန်တဲ့ အနောက်ကင်မရာ ၂ လုံးက 8MP Ultrawide နဲ့ 2MP Macro တို့ ဖြစ်မယ်လို့ သတင်းထွက်လာပါတယ်။ ဆဲလ်ဖီး ကင်မရာက 20MP ဖြစ်ပါတယ်။ စွမ်းရည်မြင့် Snapdragon 8+ Gen 1 Chipset မောင်းနှင်ထားမှာပါ။
ပေါက်ကြားသတင်းအရ ၆.၆၇ လက်မ AMOLED မျက်နှာပြင်၊ 120Hz Refresh Rate နဲ့ HDR10+ တွေ ပါလာမှာဖြစ်ပြီး Android 12/ MIUI 13 မောင်းနှင်ထားမှာပါ။ 8/128GB နဲ့ 12/256GB Memory Configuration တွေ ထုတ်လုပ်ထားမှာပါ။
5,000mAh ဘက်ထရီနဲ့ 120W Fast Charging ပါလာနိုင်ပြီး မျက်နှာပြင်အောက် လက်ဗွေရာ ကိရိယာနဲ့ စပီကာ ၂ လုံး တပ်ဆင်ထားနိုင်ပါတယ်။
ရိုးရိုး Xiaomi Redmi K50S မှာ Dimensity 8100 ပါလာနိုင်ပါတယ်။ အဲဒီဖုန်း ၂ လုံးကို နိုင်ငံတကာမှာ Xiaomi 12T နဲ့ 12T Pro ဆိုပြီး ကြေညာနိုင်ပေမယ့် မိတ်ဆက်မယ့် အချိန်ကို မသိရသေးပါဘူး။
Ref : gsmarena
