Lenovo က တန်ဖိုးနည်း A7 ကို ကြေညာလိုက်ပြီး Unisoc Processor နဲ့ Waterdrop Notch မျက်နှာပြင် ပါလာပါတယ်။ တန်ဖိုးနည်း ဖုန်း ဖြစ်ပေမယ့် အနောက်ကင်မရာ ၂ လုံးနဲ့ အရွယ်ကြီး ဘက်ထရီ ထည့်ထားပါတယ်။ Lenovo A7 ကို ကုမ္ပဏီ တရားဝင် ဝက်ဘ်ဆိုက်က Product Page မှာ မဖော်ပြထားသေးတဲ့အတွက် လက်ရှိမှာ Specs အပြည့်အစုံကို မသိရသေးပါဘူး။
The newly released #LenovoA7 smartphone is powered by UNISOC #SC9863A Octa-core chipset platform.
The A7 comes with a 6.09-inch waterdrop display, 4000 mAh high-capacity removable battery with up to 416-hour standby time, a 13MP + 2MP dual rear camera and a 5MP front camera. pic.twitter.com/2tksgEDTGf
— UNISOC (@UNISOCTech) April 9, 2020
Lenovo A7 မှာ ရှည်လျားတဲ့ Aspect Ratio ပါလာပြီး မျက်နှာပြင် အရွယ်အစားက ၆.၀၉ လက်မ ဖြစ်ပါတယ်။ အရင်တုန်းက Spreadtrum လို့ သိကြတဲ့ Unisoc SC9863A မောင်းနှင်ထားပြီး 1.6GHz Octa-core Processor ပါပါတယ်။ အဲဒီဖုန်းကို ပြီးခဲ့တဲ့ လက Google Play Console မှာ တွေ့ခဲ့ရပြီး Android 9 Pie OS ပဲပါတာက သိပ်မမိုက်ပါဘူး။ 2GB RAM ထည့်ထားပြီး HD+ Resolution ရှိပါတယ်။ တစ်လက်မကို Pixel သိပ်သည်းဆက ၃၂၀ ဖြစ်ပါတယ်။
Lenovo A7 ရဲ့ 4,000mAh ဘက်ထရီကို Standby ထားရင် ၄၁၆ နာရီ အသုံးခံပါတယ်။ ဖြုတ်လို့ရတဲ့ ဘက်ထရီ ပါလာတာက ကောင်းပါတယ်။ အရှေ့ဘက်မှာ 5MP ကင်မရာနဲ့ အနောက်ဘက်မှာ 13MP+ 2MP ကင်မရာ ၂ လုံး ပါပါတယ်။ LED Flash နဲ့ AI Scene Recognition တွေ ပါလာပြီး အနောက်ဘက်မှာ လက်ဗွေရာ အာရုံခံ ကိရိယာ ထည့်ထားပါတယ်။ အနက်နဲ့ အပြာရောင် ထုတ်လုပ်ထားပြီး ဈေးနှုန်းနဲ့ ရောင်းမယ့် အချိန်ကို မသိရသေးပါဘူး။
Ref : gizmochina
