HMD Global က Nokia G21 စမတ်ဖုန်းကို ကြေညာလိုက်ပြီး အရင်နှစ်ထုတ် G20 ရဲ့ မျိုးဆက်သစ် ဖြစ်ပါတယ်။ ဖုန်း အသစ်မှာ ကုမ္ပဏီက မျက်နှာပြင်၊ ကင်မရာနဲ့ ဘက်ထရီတို့ကို အဓိက တိုးတက်အောင် ပြုလုပ်ထားပြီး Nordic Blue နဲ့ Dusk ၂ ရောင် ထုတ်လုပ်ထားပါတယ်။ ဥရောပမှာ ၁၇၀ ယူရိုနဲ့ ရောင်းချပေးထားပြီး မြန်မာငွေ ၃ သိန်းဝန်းကျင်ပဲ ကျသင့်မှာပါ။
Nokia G21 မှာ ၆.၅ လက်မ HD+ LCD မျက်နှာပြင် တပ်ဆင်ထားပြီး 90Hz Refresh Rate ထောက်ပံ့ထားပါတယ်။ Power Saving Mode မှာ 60Hz ပြောင်းပေးနိုင်ပါတယ်။
Unisoc T606 Chipset မောင်းနှင်ထားပြီး Mali G75-MP1 Graphics Processor တပ်ဆင်ထားပါတယ်။ 4GB RAM ပါလာပြီး Storage အပိုင်းမှာ 64GB နဲ့ 128GB ၂ မျိုး ရွေးချယ်နိုင်ကာ microSD Card စိုက်နိုင်ပါတယ်။ ကင်မရာတွေအကြောင်းပြောရရင် အနောက်ဘက်မှာ 50MP Main , 2MP Macro နဲ့ 2MP Depth ၃ လုံး ထည့်သွင်းထားပြီး Super Resolution နဲ့ Night Mode လို လုပ်ဆောင်ချက်တွေ ပါပါတယ်။
Nokia G21 မှာ Android 11 OS မောင်းနှင်ထားပေမယ့် ကုမ္ပဏီက Android 12 ရမယ်လို့ အတည်ပြုထားပါတယ်။ ဒါတင်မကသေးဘဲ Nokia က အဓိက Android Update ၂ ခု ပေးမယ်လို့ ကတိပေးထားတဲ့အတွက် Android 13 Update လည်း ရရှိမှာပါ။
Nokia G21 မှာ 5,050mAh ဘက်ထရီ ထည့်သွင်းထားပြီး ကုမ္ပဏီက ၁ ခါအားအပြည့်သွင်းထားရင် ၃ ရက်အထိ အသုံးခံတယ်လို့ ပြောပါတယ်။ 18W Fast Charging ထောက်ပံ့ထားပေမယ့် ဘူးထဲမှာ 10W Charger ပဲ ထည့်ပေးထားပါတယ်။
Ref : gizmochina
