realme ဟာ realme Pad ကို ကြေညာပြီး တက်ဘလက်လောကထဲကို ဝင်ရောက်လာခဲ့ပါတယ်။ အခုတော့ realme Philippines က realme Pad Mini အမည်ရ တက်ဘလက် အသစ် ၁ လုံးကို Tease လုပ်လိုက်ပြီး အဲဒီ တက်ဘလက်ရဲ့ Specs တွေကို ဖိလစ်ပိုင် မီဒီယာ ၁ ခုက မျှဝေလိုက်ပါတယ်။
Hungry Geeks က realme Pad Mini ရဲ့ အထူဟာ ၇.၆ မီလီမီတာ ရှိပြီး အလေးချိန်က ၃၇၂ ဂရမ် ရှိမယ်လို့ ပြောပါတယ်။ ၈.၇ လက်မ 1340x800p မျက်နှာပြင် ထည့်သွင်းထားပြီး Unisoc T616 Chipset မောင်းနှင်ထားမှာပါ။ 3GB RAM + 32GB Storage နဲ့ 4GB RAM + 64GB Storage မော်ဒယ် ၂ မျိုးထုတ်လုပ်ထားမှာ ဖြစ်ပြီး ၂ ခုစလုံးမှာ LTE ဆက်သွယ်မှု ပါလာမှာပါ။
1TB microSD Card စိုက်နိုင်တဲ့ Slot တပ်ဆင်ထားပြီး 18W Fast Charging ထောက်ပံ့တဲ့ 6,400mAh ဘက်ထရီ ပါလာမှာပါ။ ကင်မရာ သတင်းအချက်အလက်တွေကို မသိရသေးပါဘူး။ ကိုယ်ထည်ကို အလူမီနီယမ်နဲ့ တည်ဆောက်ထားမှာ ဖြစ်ပြီး အညိုနဲ့ အပြာရောင် ထုတ်လုပ်ထားမှာပါ။ လက်ရှိမှာ တက်ဘလက်ရဲ့ ဈေးနှုန်းကို မသိရသေးဘဲ ဧပြီလ ၄ ရက်နေ့ ဖိလစ်ပိုင်မှာ ကြေညာမယ်လို့ သတင်းထွက်နေပါတယ်။
အရင်နှစ်ထုတ် realme Pad အကြောင်း ပြန်လေ့လာကြည့်ရင် ၁၀.၄ လက်မ IPS LCD 1200x2000p မျက်နှာပြင်၊ Helio G80 Chipset ၊ 3GB/4GB/6GB RAM ၊ 32GB/64GB/128GB Storage ၊ 18W Fast Charging နဲ့ 7,100mAh ဘက်ထရီတွေ ထည့်သွင်းထားပြီး အရှေ့နဲ့ အနောက်မှာ 8MP ကင်မရာ တပ်ဆင်ထားပါတယ်။
Ref : gizmochina
