Xiaomi ကနေ အခု Redmi Series အသစ်ဖုန်းတွေဖြစ်တဲ့ Redmi Y1 နဲ့ Y1 Lite တို့ကို ကြေငြာပြီး အခုနောက်ဆုံးရရှိထားတဲ့သတင်းအရ Redmi 5 Plus ဆိုပြီး ဖုန်းတစ်ခုကို ထပ်မံထုတ်လုပ်သွားဖို့ရှိနေပါတယ်။

အခုထုတ်လုပ်သွားဖို့ရှိနေတဲ့ Redmi 5 Plus ဖုန်းဟာဆိုရင် အခု Oppo ၊ Vivo တွေလိုပဲ Screen အပြည့်ပါဝင်လာမယ့် 18:9 Ratio Full View Display ပါဝင်လာမယ့်အပြင် Dual Camera လည်း ပါဝင်လာဦးမယ်လို့သိရပါတယ်။

အဆိုပါ Redmi 5 Plus ဟာ နောက်ကျောဘက်က ကြည့်ရင် Redmi Note 4 နဲ့ တူညီမှာဖြစ်ပြီး အရှေ့ဘက်မှာတော့ ဘေးဘောင်တွေမပါတော့ပဲ Screen အပြည့်ဖြစ်နေမှာဖြစ်ပါတယ်။

Performance ပိုင်းအရလည်း Redmi 5 Plus ဟာ Snapdragon 625 ဒါမှမဟုတ် Snapdragon 630 CPU ကို RAM 3GB ၊ Storage 32GB ကနေ စတင်ထုတ်မှာဖြစ်တဲ့အတွက် ယခင် Redmi Note 4 ထက် ပိုသာမယ်လို့ ခန့်မှန်းရပါတယ်။ ဈေးနှုန်းနဲ့ တရားဝင်ထွက်ရှိမယ့်အချိန်ကိုတော့ အတိအကျမသိရှိရသေးပဲ ဒီနှစ်မကုန်ခင်လောက် ကြေငြာသွားမယ်လို့ ယူဆရပါတယ်။