Samsung ဟာ ပြီးခဲ့တဲ့ လက Exynos 850 ပါတဲ့ Galaxy M13 4G ကို ကြေညာခဲ့ပြီး အခုတော့ Dimensity 700 SoC ပါတဲ့ 5G Version ကို မကြာခင် ကြေညာတော့မယ်လို့ ထင်ပါတယ်။
Galaxy M13 5G မှာ ၆.၅ လက်မ HD+ LCD မျက်နှာပြင် ပါလာမှာ ဖြစ်ပြီး တစ်လက်မလျှင် Pixel သိပ်သည်းဆက ၂၆၉ ရှိမယ်လို့ သတင်းထွက်လာပါတယ်။ အရွယ်ကြီး 5,000mAh ဘက်ထရီ တပ်ဆင်ထားမှာ ဖြစ်ပြီး 15W Charging ထောက်ပံ့ထားမှာပါ။
M13 5G အတွက် 4GB/64GB နဲ့ 6GB/128GB Memory Option ၂ မျိုး ရွေးချယ်နိုင်မှာ ဖြစ်ပြီး RAM Plus လုပ်ဆောင်ချက်ကနေ Virtual RAM ကို ထပ်တိုး အသုံးပြုနိုင်မှာ ဖြစ်ပါတယ်။ ဒါ့အပြင် 1TB microSD Card စိုက်နိုင်မှာ ဖြစ်ပါတယ်။
M13 5G မှာ 5MP အရှေ့ ကင်မရာ ၁ လုံးနဲ့ 50MP Main + 2MP အနောက်ကင်မရာ ၂ လုံး တပ်ဆင်ထားမှာ ဖြစ်ပြီး အပြာ၊ အညိုနဲ့ အစိမ်းရောင်တွေ ထုတ်လုပ်ထားမှာပါ။
Samsung ကတော့ Galaxy M13 5G အကြောင်း ဘာမှ မပြောသေးပါဘူး။ ဒါပေမယ့် Samsung ဟာ အိန္ဒိယမှာ 5G မော်ဒယ်ကို 4G မော်ဒယ်နဲ့အတူ မကြာခင် ကြေညာမယ်လို့ သတင်းထွက်နေပါတယ်။
Ref : gsmarena
