Samsung Electronics က 5G mmWave Network မှာ အင်တာနက် အမြန်နှုန်း စံချိန်သစ်တင်လိုက်တယ်လို့ ကြေညာလိုက်ပါတယ်။ ဩစတြေးလျမှာ AUD သန်း ၇၅၀ ရင်းနှီးမြှပ်နှံမယ့် စီမံကိန်းရဲ့ တစ်စိတ်တစ်ပိုင်း အနေနဲ့ NBN Co နဲ့ ပူးပေါင်းကာ Samsung က အခု စမ်းသပ်မှုကို ပြုလုပ်ခဲ့တာ ဖြစ်ပါတယ်။ NBN ဟာ 5G Network တွေ အကောင်းဆုံး စွမ်းဆောင်ရည် ရရှိအောင် အမျိုးမျိုးသော ဆော့ဖ်ဝဲ တိုးတက်မှုတွေကို ဖန်တီးနေတဲ့ ကုမ္ပဏီ ဖြစ်ပါတယ်။
စမ်းသပ်မှုမှာ Device ဟာ ပျမ်းမျှ Download Speed အတွက် 1.75 Gbps နဲ့ ပျမ်းမျှ Upload Speed အတွက် 61.5 Mbps အထိ ရရှိခဲ့ပါတယ်။ အမြန်ဆုံး Download Speed က 2.7 Gbps ဖြစ်ပြီး Source ကနေ ၁၀ ကီလိုမီတာ အကွာအဝေးမှာ အဲဒီ အမြန်နှုန်းကို ရရှိခဲ့တာ ဖြစ်ပါတယ်။ ဒါဟာ အထင်ကြီးစရာ အကောင်းဆုံး စွမ်းဆောင်ရည် ဖြစ်ပါတယ်။
Samsung နဲ့ NBN က အခု စံချိန်အသစ်ဟာ မြို့ပြများမှာသာမက ဝေးလံခေါင်ဖျားတဲ့ ဒေသများမှာပါ 5G Network ဖွံ့ဖြိုးတိုးတက်မှုအတွက် အရေးကြီးတဲ့ ခြေလှမ်း ၁ ခု ဖြစ်တယ်လို့ ပြောပါတယ်။ အခု အောင်မြင်တဲ့ စမ်းသပ်မှုက အနာဂတ်မှာ 5G Network ဟာ ကြီးမားတဲ့ အလားအလာကောင်းတွေ ရှိနေတယ်ဆိုတာ ပြသနေပါတယ်။
လက်ရှိ ကမ္ဘာအဝန်းမှာ 5G ဆက်သွယ်မှု ရတဲ့ နိုင်ငံတွေဟာ အလွန် မများပြားသေးပါဘူး။ 5G နည်းပညာဟာ အစောပိုင်း အဆင့်မှာပဲ ရှိသေးပြီး တိုးတက်ဖွံ့ဖြိုးအောင် ကုမ္ပဏီတွေက တီထွင်နေကြပါတယ်။
Ref : gsmarena
