အရှေ့မျက်နှာပြင်တစ်ခုလုံးက Screen ပဲဖြစ်နေမယ့် စမတ်ဖုန်းတစ်လုံး တစ်ကယ်ဖြစ်လာတော့မှာပါ။ အဲ့ဒီဖုန်းကို Lenovo ကထုတ်မယ်ဆိုရင် ပိုစိတ်ဝင်စားသွားမယ်ထင်ပါတယ်။ Lenovo အနေနဲ့ စမတ်ဖုန်လောကထဲမှာ သိပ်ပြီးထင်ထင်ပေါ်ပေါ်မရှိတာ နည်းနည်းကြာနေပါပြီ။ အခုတစ်ခေါက်မှာတော့ မထင်ထားတဲ့ ရှုထောင့်ကနေ ပြန်အသက်ဝင်လာတော့မှာပါ။
Lenovo Z5 ဆိုတဲ့ နာမည်နဲ့ မျက်နှာပြင်အပြည့် စမတ်ဖုန်းတစ်လုံးကို ထုတ်လုပ်တော့မယ့်လို့ သတင်းတွေထွက်နေပါတယ်။ သတင်းကို ပိုသေချာသွားစေတာကတော့ Weibo မှာ တင်ထားတဲ့ ပုံကြောင့်ပါ။ ပုံထဲက Lenovo Z5 လို့ယူဆရတဲ့ဖုန်းမှာ Notch မပါတာကိုတွေ့ရပါတယ်။ နောက်တစ်ချက်အနေနဲ့ Screen ဘေးဘောင်တွေက တော်တော်လေးပါးတာကို တွေ့ရပါတယ်။
အဲ့ဒီ ပုံကအခြားသတင်း Website တွေမှာပါ ပြန့်သွားပြီးနောက်ပိုင်း ဖုန်းတစ်လုံးလုံးရဲ့ ပုံကြမ်းပါထပ်ထွက်လာပါတယ်။ ပုံကြမ်းထဲမှာတော့ ဘေးဘောင်တွေအားလုံးက အထူအပါး အတူတူဖြစ်နေတာကိုတွေ့ရတာကြောင့် တော်တော်လေးကိုလှပါတယ်။ Camera တွေ၊ Sensor တွေကိုဘယ်နားမှာသွားထားသလဲဆိုတဲ့ မေးခွန်းတွေလည်း Online မှာအများကြီးဖြစ်သွားပါတယ်။
Lenovo အနေနဲ့ Flagship ဖုန်းဈေးကွက်ထဲကို လက်ရှိ ဖုန်းတွေထက်သာတဲ့ Dispaly Design နဲ့ဝင်လာဖို့အတွက် ဘယ်လိုနည်းပညာတွေကိုသုံးထားသလဲဆိုတာ တော်တော်ကိုစိတ်ဝင်စားမှုများပြားနေပါပြီ။ အရွယ်အစားကတော့ iPhone X နဲ့ iPhone Plus Size တွေရဲ့ ကြားထဲက Size လောက်ဖြစ်မယ်လို့ ခန့်မှန်းရပါတယ်။ Notch မပါတဲ့အတွက် အမှန်တစ်ကယ် မျက်နှာပြင်ပြည့် စမတ်ဖုန်းစာရင်းထဲကိုဝင်သွားမယ့် Lenovo Z5 ကို နောက်လ ၁၄ ရက်နေ့မှာ မ်ိတ်ဆက်မယ်လို့လည်း သိရပါတယ်။
