Tesla က Cybertruck ကို ၂၀၁၉ ခုနှစ်က ကြေညာခဲ့ပေမယ့် အခုထက်ထိ ထုတ်လုပ်ရောင်းချခြင်း မရှိသေးပါဘူး။ CEO Elon Musk က ကုမ္ပဏီရဲ့ ကွာတား ၄ ငွေကြေးရှင်းတမ်းကြေညာတဲ့ ပွဲမှာ ၂၀၂၃ ခုနှစ်နှစ်လယ်မှာ ထုတ်လုပ်ရောင်းချမယ်လို့ ပြောပါတယ်။ အခုတော့ Tesla Cybertruck ကို ကယ်လီဖိုးနီးယားက လမ်းတွေမှာ တွေ့လာရပါပြီ။
Cybertruck spotted in Palo Alto yesterday!
Photo from Instagram: https://t.co/dfVYPpmkKY https://t.co/WXNPbjS7l8 pic.twitter.com/qdA0zBFbjr
— Sawyer Merritt (@SawyerMerritt) February 2, 2023
Cybertruck ကို ကယ်လီဖိုးနီးယားက Palo Alto မှာ တွေ့ရတဲ့ ဓါတ်ပုံကို တွစ်တာမှာ တင်ထားပါတယ်။ အရင်က ဓါတ်ပုံတွေနဲ့ ယှဉ်ရင် ဒီဇိုင်းက အနည်းငယ်ပြောင်းလဲသွားပြီး မှန်တွေက တြိဂံပုံပိုကျလာပါတယ်။ အနောက်ဘက်က ပိုတိုသွားပါတယ်။
Musk က Tesla Cybertruck မှာ Quad-motor All-Wheel Drive System ထည့်သွင်းထားမှာ ဖြစ်ပြီး ၁၄,၀၀၀ ပေါင် အထိ သယ်ဆောင်နိုင်တယ်လို့ ပြောထားပါတယ်။ ၂.၉ စက္ကန့်အတွင်း ၀ ကနေ ၆၀ မိုင် အမြန်နှုန်း မောင်းနှင်နိုင်ပြီး တစ်ခါအားသွင်းထားရင် မိုင် ၅၀၀ အထိ မောင်းနှင်နိုင်ပါတယ်။
Tesla က Cybertruck ကို ကြိုတင်မှာယူထားသူ ၁.၅ သန်းကျော် ရှိတယ်လို့ ကြေညာထားပါတယ်။ ကုမ္ပဏီက ကြိုတင်မှာယူသူတွေကို ဒေါ်လာ ၁၀၀ စရန်ငွေ ကောက်ယူထားပါတယ်။ Elon Musk က ၂၀၁၉ ခုနှစ်မှာ Cybertruck ရဲ့ ကုန်ကျစားရိတ်ကို ကြေညာခဲ့ပါတယ်။ ဒါပေမယ့် ကပ်ရောဂါနဲ့ ငွေကြေးဖောင်းပွမှုတွေကြောင့် ရောင်းချတဲ့ ဈေးနှုန်း ပြောင်းလဲနိုင်ပါတယ်။
Ref : gizmochina
