အမေရိကန် ကားထုတ်လုပ်သူ Tesla ဟာ ကမ္ဘာ့ လျှပ်စစ်ကားဈေးကွက်ကို ကြီးစိုးထားပါတယ်။ အခုနောက်ဆုံးထွက်လာတဲ့ စစ်တမ်းအရ ကုမ္ပဏီဟာ ၁၀ နှစ်အတွင်း ကား အစီးရေ ၃ သန်းဝန်းကျင် ရောင်းချထားနိုင်တယ်လို့ သိရပါတယ်။ ကုမ္ပဏီဟာ ၂၀၁၂ ခုနှစ်မှာ ပထမဆုံးကားကို ရောင်းချခဲ့ပြီးကတည်းက ၂၀၂၂ ခုနှစ် ကွာတား ၂ ဖြစ်တဲ့ ဧပြီလကနေ ဇွန်လအတွင်း ပြီးဆုံးမယ့် ၁၀ နှစ်အတွင်းမှာ အစီးရေ ၃ သန်းနီးပါး ရောင်းချထားနိုင်ပါတယ်။ ၂၀၂၂ ခုနှစ် ကွာတား ၂ အထိ အစီးရေ ၂,၈၉၉,၈၇၇ ရောင်းချထားတယ်လို့ စစ်တမ်းက ဖော်ပြထားပါတယ်။ ဇူလိုင်လကုန် သို့မဟုတ် ဩဂုတ်လထဲမှာ ၃ သန်းအထိ ရောက်သွားမယ်လို့ Bloomberg က ခန့်မှန်းပါတယ်။

Tesla India Elon Musk Narendra Modi

ကုမ္ပဏီဟာ ကွာတား ၂ မှာ အစီးရေ ၂၅၈,၅၈၀ ထုတ်လုပ်ပြီး ၂၅၄,၆၉၅ စီး ရောင်းချနိုင်ခဲ့ပေမယ့် ကွာတား ၁ ထက် နည်းပါးခဲ့ပါတယ်။ ဒီနှစ် ပထမနှစ်ဝက်မှာ Tesla ဟာ အစီးရေ ၅၆၄,၀၀၀ ရောင်းချနိုင်ခဲ့ပြီး ၂၀၂၁ ခုနှစ် ပထမနှစ်ဝက်ရဲ့ ၃၈၆,၂၀၀ ထက်များခဲ့ပါတယ်။ ဇွန်လဟာ Tesla ရဲ့ သမိုင်းမှာ ကားထုတ်လုပ်မှု အများဆုံး ဖြစ်တယ်လို့ စစ်တမ်းက ဖော်ပြထားပါတယ်။

Tesla electric vehicles

Tesla ဟာ ၂၀၂၂ ခုနှစ်မှာ လျှပ်စစ်ကား အစီးရေ ၁ သန်းကျော် ရောင်းချနိုင်ဖို့ ကြိုးစားနေပြီး အရင်နှစ်ကထက် ၂ ဆ ပိုတိုးတက်လာမှာပါ။ ကုမ္ပဏီရဲ့ Gigafactory တွေရဲ့ ထုတ်လုပ်မှု စွမ်းအား ကောင်းမွန်မှုနဲ့ ကုန်ကြမ်းတွေ ပြတ်လပ်မှု မရှိအောင် စီမံထားနိုင်တာကြောင့် အခုလို တိုးတက်လာတာပါ။

ဒီနှစ် Tesla ကနေ ထုတ်လုပ်တဲ့ ကားအများစုကို ရှန်ဟိုင်း စက်ရုံကနေ ထုတ်လုပ်တာပါ။ ပြီးခဲ့တဲ့လ ၁ လမှာပဲ ရှန်ဟိုင်း စက်ရုံဟာ အစီးရေ ၇၀,၀၀၀ ကျော် ထုတ်လုပ်နိုင်ခဲ့ပါတယ်။

Ref : gizchina