နည်းပညာဆိုတာ ရပ်တန့်မသွားပါဘူး။ ရှေ့ဆက်နေမှာပါ။ တစ်ချိန်တုန်းက လူသားတွေက ဦးဆောင်ခဲ့ကြပေမဲ့ အခုအချိန်မှာတော့ နည်းပညာက လူသားတွေကို ပြန်ပြီးဦးဆောင်လာတဲ့ အခြေအနေတစ်ရပ်ကို ရောက်ရှိလာပါပြီ။ ရှေ့ဆက်နေမဲ့ နည်းပညာနဲ့ ရင်းနှီးကျွမ်းဝင်မှုမရှိရင်တော့ ဒီလူသားဟာ ခေတ်ဟောင်းတစ်ခေတ်မှာ ကျန်ခဲ့မှာပဲ ဖြစ်ပါတယ်။
Artificial Intelligence – AI ကို လူအတော်များများ သိပြီးကြသလို၊ ရင်းနှီးနေကြပါပြီ။ အခုရေပန်းစားနေတဲ့ ChatGPT မတိုင်ခင်ကတည်းက AI ကို ကွန်ပျူတာအပါအဝင် Application တွေ မှာတွင်တွင်ကျယ်ကျယ် အသုံးပြုနေခဲ့ကြပြီးပါပြီ။ ဒါတင်မကသေးပါဘူး။ Natural language processing မှာလည်း အသုံးပြုနေခဲ့ကြပါပြီ။
AI ရဲ့ ကြောက်စရာကောင်းတဲ့အချက်က ဘာလဲဆိုတာ မပြောခင် AI က လူသားအရင်းအမြစ်ကိုတော့ ကြီးမားတဲ့ ခြိမ်းခြောက်မှု ပေးနေတာကို ဝန်ခံရပါမယ်။ AI ဟာ ဖွံ့ဖြိုးတိုးတက်မှုနဲ့ အသုံးပြုမှုတွေကြောင့် ဖြစ်လာနိုင်တဲ့ ခြိမ်းခြောက်မှုတွေရှိကြောင်းကို သူကိုယ်တိုင်ပဲ ရှင်းလင်းပြောဆိုပေးထားပါတယ်။
ကိုယ်တိုင်စီမံခန့်ခွဲနိုင်တဲ့ လက်နက် – AI ကို ဘယ်အချိန်မှာ ဘယ်လိုအသုံးပြုမယ်ဆိုပြီး ကိုယ်တိုင်စီမံခန့်ခွဲနိုင်တဲ့ လက်နက်အဖြစ် အသုံးပြုနိုင်တာကလည်း အားသာချက်ဖြစ်သလို စိုးရိမ်စရာကောင်းတဲ့အချက်ပါပဲ။ ဒါဟာ မလိုလားအပ်တဲ့ အကျိုးဆက်တွေဆီ ဦးတည်သွားနိုင်ပြီး အပြစ်မဲ့သူတွေကို ထိခိုက်နစ်နာစေနိုင်ပါတယ်။
အလုပ်အကိုင် အခွင့်အလမ်း – အလုပ်အကိုင်အခွင့်အလမ်းများ ဖယ်ရှားခြင်း ဆိုတဲ့အချက်ကတော့ ပြောစရာမလိုအောင် လူသိများပြီး စိုးရိမ်ပူပန်နေကြတဲ့ အချက်ပါပဲ။ အထူးသဖြင့် Automation ခံရနိုင်တဲ့ စက်မှုလုပ်ငန်းက အလုပ်သမားတွေအတွက် အလုပ်အကိုင်ဆုံးရှုံးမှုတွေကို ဖြစ်ပေါ်လာစေနိုင်တာပါ။
ဘက်လိုက်တဲ့ ဆုံးဖြတ်ချက် – AI က ဘက်လိုက်တဲ့ ဆုံးဖြတ်ချက်တွေ ပြုလုပ်လာနိုင်တယ်ဆိုတဲ့ ခေါင်းစဉ်က အံ့အားသင့်စရာကောင်းပါတယ်။ အတော်များများကတော့ AI ဟာ ဘက်မလိုက်တဲ့ ဆုံးဖြတ်ချက်မျိုးကို ချပေးနိုင်တယ်လို့ တွေးထင်ထားကြတာပါ။ ဒါပေမဲ့ AI စနစ်တွေဟာ ဘက်လိုက်တဲ့ တစ်နည်းအားဖြင့် တစ်ဖက်ဖက်ကို ယိမ်းစေတဲ့၊ အစွဲရှိတဲ့ ဒေတာတွေနဲ့ လေ့ကျင့်သင်ကြားထားရင် ဒီပြဿနာမျိုးက သေချာပေါက် ဖြစ်လာပါလိမ့်မယ်။ ဒါဟာ အလုပ်ခန့်ခြင်း၊ ချေးငှားခြင်းနဲ့ ရာဇဝတ်မှုဆိုင်ရာ တရားမျှတမှုလို နယ်ပယ်တွေမှာ AI စနစ်တွေက တရားမမျှတတဲ့၊ ခွဲခြားဆက်ဆံတဲ့ ဆုံးဖြတ်ချက်တွေ ချမှတ်ပေးတာမျိုး ဖြစ်လာနိုင်ပါတယ်။
ကိုယ်ရေးကိုယ်တာ လုံခြုံမှု – ကိုယ်ရေးကိုယ်တာလုံခြုံမှု နဲ့ပတ်သက်လာရင်လည်း စိုးရိမ်စရာ ရှိလာပါတယ်။ AI ဟာ ပုဂ္ဂိုလ်ရေးဆိုင်ရာ အချက်အလက်အများအပြားကို စုဆောင်းပြီး ခွဲခြမ်းစိတ်ဖြာနိုင်ပါတယ်။ ဒါဟာ ကိုယ်ရေးကိုယ်တာအခွင့်အရေးတွေကို ချိုးဖောက်ပြီး လူတစ်ယောက်ချင်းစီကို စောင့်ကြည့်တာ၊ ခြေရာခံတာတွေဆီပါ ဦးတည်သွားနိုင်ပါတယ်။
ကြိုမမြင်နိုင်တဲ့ အကျိုးဆက် – နောက်ဆုံးအချက်ကတော့ ကြောက်စရာအကောင်းဆုံးအချက်လို့ ပြောနိုင်ပါတယ်။ AI ဟာ ပိုပြီး အဆင့်မြင့် ရှုပ်ထွေးလာတာနဲ့အမျှ သူ့ရဲ့ ဖန်တီးသူတွေကိုယ်တိုင် မမျှော်လင့်ထားတဲ့၊ မရည်ရွယ်ထားတဲ့ အပြုအမူတွေ၊ စွမ်းရည်တွေနဲ့ ဖွံ့ဖြိုးတိုးတက်လာနိုင်တဲ့ အန္တရာယ်ပါပဲ။ ဒါဟာ မလိုလားအပ်တဲ့ အကျိုးဆက်တွေနဲ့ ကြိုမမြင်နိုင်တဲ့ အန္တရာယ်တွေဆီ ဦးတည်သွားနိုင်ပါတယ်။
Note – AI ရဲ့ ကြောက်စရာကောင်းတဲ့ အားသာချက်က ဘာတွေလဲဆိုတဲ့မေးခွန်းအတွက် ChatGPT က ပြန်ဖြေပေးထားတဲ့ အဖြေတွေပါ။
Source: ChatGPT
