၂၀၂၅ ခုနှစ်၊ အောက်တိုဘာလ ၉ ရက်နေ့မှာ တရုတ်နိုင်ငံ၊ အန်းဟွေးဆေးတက္ကသိုလ်ရဲ့ ပထမဆုံးသော လက်ခွဲဆေးရုံက ခွဲစိတ်ဆရာဝန်တွေဟာ ကမ္ဘာ့ပထမဆုံးအကြိမ်အဖြစ် ဝက်ရဲ့အသည်းကို လူသားဆီ အစားထိုးခွဲစိတ်ကုသမှုကို အောင်မြင်စွာ ပြုလုပ်ခဲ့ပါတယ်။
မျိုးဗီဇပြုပြင်ထားတဲ့ ဝက်ရဲ့အသည်းကို အသည်းရောင်အသားဝါ ဘီပိုးနဲ့ ကင်ဆာရောဂါကြောင့် နာတာရှည်အသည်းပျက်စီးမှုကို ခံစားနေရတဲ့ အသက် ၇၁ နှစ်အရွယ် လူနာတစ်ဦးဆီမှာ အစားထိုးခဲ့တာ ဖြစ်ပါတယ်။
အဲဒီလူနာဟာ ခွဲစိတ်မှုအပြီး ၁၇၁ ရက်ကြာ အသက်ရှင်ခဲ့ပြီး အဲဒီထဲမှာ ဝက်ရဲ့အသည်းက သူ့ရဲ့ခန္ဓာကိုယ်ထဲမှာ ၃၈ ရက်ကြာ အလုပ်လုပ်ဆောင်ခဲ့ပါတယ်။ ဒါက မျိုးဗီဇပြုပြင်ထားတဲ့ ဝက်ရဲ့အသည်းဟာ လူသားတွေရဲ့ ခန္ဓာကိုယ်ထဲမှာ ထိထိရောက်ရောက် အလုပ်လုပ်နိုင်တယ်ဆိုတာကို ပြသနေပါတယ်။
ဒီခွဲစိတ်မှုဟာ သက်ရှိလူသားတစ်ဦးမှာ ဝက်ရဲ့အသည်းကို ကုသရေးရည်ရွယ်ချက်အတွက် ပထမဆုံးအကြိမ် အသုံးပြုတာဖြစ်ပြီး အသည်းရောဂါဆိုးရွားစွာ ခံစားနေရတဲ့ လူနာတွေအတွက် မျှော်လင့်ချက်အသစ်တွေ ပေးအပ်လိုက်တာပဲ ဖြစ်ပါတယ်။
Ref : Technology Innovation
