တရုတ်အစိုးရဟာ အဆင့်မြင့် နည်းပညာပိုင်ဆိုင်မှုတွေကို ကာကွယ်ဖို့အတွက် ထိပ်တန်း Artificial Intelligence (AI) နဲ့ ဆီမီကွန်ဒတ်တာ နည်းပညာရှင်တွေရဲ့ ပြည်ပခရီးသွားလာခွင့်ဆိုင်ရာ ကန့်သတ်ချက်တွေကို ပိုမိုတိုးမြှင့်လိုက်ပါတယ်။ Bloomberg ရဲ့ သတင်းထုတ်ပြန်ချက်အရ မဟာဗျူဟာမြောက် အရေးပါတဲ့ နည်းပညာကုမ္ပဏီတွေနဲ့ စတက်အပ် (startup) ထူထောင်သူတွေရဲ့ မိသားစုဝင်တွေပါ ခရီးတိုသွားရောက်မယ်ဆိုရင် အာဏာပိုင်တွေရဲ့ ခွင့်ပြုချက် အဆင့်ဆင့် ရယူရမှာ ဖြစ်ပါတယ်။
အထူးသဖြင့် Alibaba နဲ့ DeepSeek လိုမျိုး ပုဂ္ဂလိက နည်းပညာကုမ္ပဏီကြီးတွေက ထိပ်တန်းပညာရှင်တွေရဲ့ ပြည်ပထွက်ခွင့်ကို ယခင်ကတည်းက စိစစ်နေရာက ခုအခါ အမျိုးသားလုံခြုံရေးနဲ့ သက်ဆိုင်တဲ့ အဆင့်မြင့်နည်းပညာ နယ်ပယ်တစ်ခုလုံးကို ပိုမိုကျယ်ပြန့်စွာ တင်းကျပ်လိုက်တာ ဖြစ်ပါတယ်။ သို့သော်လည်း အဲဒီစည်းမျဉ်းဟာ တရုတ်သိပ္ပံပညာရှင် အားလုံးအပေါ် အကျုံးဝင်တာ မဟုတ်ဘဲ နိုင်ငံတော်အတွက် နည်းဗျူဟာမြောက် အရေးပါတဲ့ စက်မှုလုပ်ငန်းရှင်တွေကိုသာ သီးသန့်ကန့်သတ်ထားတာဖြစ်တယ်လို့ သိရပါတယ်။
စက်တင်ဘာ ၁၅ ရက်နေ့က စတင်ကျင့်သုံးခဲ့တဲ့ ထွက်ပေါက်ဆိုင်ရာ စည်းမျဉ်းသစ်တွေအရ အမျိုးသားလုံခြုံရေး၊ စက်မှုနည်းပညာနဲ့ နည်းပညာတင်ပို့မှုတို့နဲ့ ဆက်စပ်နေသူ မည်သူ့ကိုမဆို ပြည်ပသို့ ထွက်ခွာခွင့် ပိတ်ပင်နိုင်တဲ့ လုပ်ပိုင်ခွင့်များကို အာဏာပိုင်တွေထံ အပြည့်အဝ ပေးအပ်ထားပါတယ်။
Ref : Technology Innovation
