ဉာဏ်ရည်တု (AI) နည်းပညာတွေဟာ လာမယ့် သုံးနှစ်အတွင်းမှာ ရူပဗေဒ၊ ဇီဝနည်းပညာ၊ ဓာတုဗေဒနဲ့ သိပ္ပံနယ်ပယ်တွေအတွက် အဓိကကျတဲ့ သိပ္ပံဆိုင်ရာ အောင်မြင်မှုကြီးတွေကို ဖန်တီးပေးလာနိုင်မယ်လို့ TikTok ရဲ့ စီအီးအို Shou Zi Chew က ပြောကြားလိုက်ပါတယ်။ စင်ကာပူနိုင်ငံမှာ ကျင်းပခဲ့တဲ့ စီးပွားရေးဆွေးနွေးပွဲတစ်ခုမှာ သူက အခုလို ထည့်သွင်းပြောဆိုခဲ့တာ ဖြစ်ပါတယ်။

 

TikTok ရဲ့ မိခင်ကုမ္ပဏီ ByteDance ဟာ သုံးစွဲသူတွေအတွက် အသုံးချဆော့ဖ်ဝဲတွေတင်မကဘဲ ဆေးဝါးသစ်ရှာဖွေရေးနဲ့ မော်လီကျူးဖွဲ့စည်းပုံ ခန့်မှန်းရေးအတွက် AI မော်ဒယ်တွေကိုပါ တီထွင်ထုတ်လုပ်လာခဲ့ပါတယ်။ ဒါကြောင့် နည်းပညာရဲ့ ရေချိန်ဟာ ကနဦးအဆင့်မှာ ရှိနေသေးပေမယ့် ရေရှည်မှာတော့ လူ့အသိုင်းအဝိုင်းနဲ့ သိပ္ပံကဏ္ဍအပေါ် သက်ရောက်မှုတွေက အင်မတန် ကြီးမားလာလိမ့်မယ်လို့ ဆိုပါတယ်။

 

ဘာပဲဖြစ်ဖြစ် ကြီးထွားလာတဲ့ AI စနစ်တွေရဲ့ လုပ်ဆောင်ချက်တွေကို လူသားတို့ရဲ့ ကျင့်ဝတ်ဘောင်အတွင်းမှာ ထိန်းသိမ်းဖို့နဲ့ ဆိုက်ဘာလုံခြုံရေး စိန်ခေါ်မှုတွေကို ကာကွယ်ဖို့အတွက် သင့်လျော်တဲ့ ကိရိယာတွေ လိုအပ်တယ်လို့လည်း သူက သတိပေးပြောဆိုသွားခဲ့ပါတယ်။

Ref : cnbc