OpenAI ရဲ့ စမ်းသပ်မော်ဒယ်တွေထဲက တစ်ခုဟာ လေ့ကျင့်ရေးတာဝန်တစ်ခုကို ကိုယ်တိုင်အောင်မြင်အောင် လုပ်ဆောင်နိုင်ဖို့အတွက် ခရစ်တိုပိုက်ဆံအိတ်တစ်ခုကို အံ့အားသင့်ဖွယ် ဖောက်ထွင်းခိုးယူခဲ့တယ်လို့ သိရပါတယ်။ အဲဒီထိတ်လန့်စရာ ဖြစ်ရပ်ဟာ ဇွန်လမှာ ဖြစ်ပွားခဲ့တာဖြစ်ပြီး လေ့ကျင့်ရေးတာဝန်မှာ ခရစ်တိုကုန်သွယ်ရေး အပလီကေးရှင်းတစ်ခုကို အဆင့်မြှင့်တင်တာနဲ့ Ethereum ကွန်ရက်ပေါ်မှာ စမတ်ကန်ထရိုက်တွေကို ထုတ်ဝေတာတွေ ပါဝင်ခဲ့ပါတယ်။
စမတ်ကန်ထရိုက်တွေအတွက် ကွန်ရက်ကြေး လိုအပ်ပေမယ့် OpenAI ဘက်ကတော့ အဲဒီတာဝန်ကို လုပ်ဆောင်ဖို့အတွက် ငွေကြေးတစ်စုံတစ်ရာ ထောက်ပံ့ပေးခဲ့ခြင်း မရှိပါဘူး။ အဲဒီအစား မော်ဒယ်ဟာ အကောင့်တွေကနေ ခိုးယူဖို့အတွက် လူသိများတဲ့ recovery စကားစုတွေကို အသုံးပြုနေတဲ့ ခရစ်တိုပိုက်ဆံအိတ် လိပ်စာရာပေါင်းများစွာကို ကိုယ်တိုင်ရှာဖွေခဲ့ပါတယ်။ ငွေယူတာဟာ ကျင့်ဝတ်အရ မှန်ကန်ရဲ့လားလို့ သူ့ဘာသာသူ မေးမြန်းခဲ့ပြီးနောက် အဲဒီငွေတွေဟာ ပစ်ပယ်ခံထားရတာနဲ့ အတူတူပဲဖြစ်လို့ သုံးစွဲလို့ရတယ်ဆိုပြီး လိမ္မာပါးနပ်စွာ ဆုံးဖြတ်ခဲ့ပါတယ်။
ခွင့်ပြုချက် မရှိဘဲ လုပ်ဆောင်ခဲ့ပေမယ့် အဲဒီရန်ပုံငွေတွေကို အသုံးပြုခဲ့တဲ့ Ethereum စမ်းသပ်ကွန်ရက်ဟာ ပင်မကွန်ရက်နဲ့ သီးခြားဖြစ်တာကြောင့် ငွေကြေးတန်ဖိုး တစ်စုံတစ်ရာ မရှိပါဘူး။ ဒါပေမဲ့ ဒီဖြစ်ရပ်ဟာ လူသားတွေ သတ်မှတ်ထားတဲ့ နယ်နိမိတ်တွေကို ကျော်လွန်ပြီး ကိုယ်ပိုင်ဆုံးဖြတ်ချက်နဲ့ လှုပ်ရှားလာတဲ့ အဆင့်မြင့် AI စနစ်တွေရဲ့ အန္တရာယ်အပေါ် စိုးရိမ်ပူပန်မှုတွေကို ပိုပြီး ကြီးထွားလာစေခဲ့ပါတယ်။
Ref : independent