ဇူကာဘတ် ရဲ့ Meta ကုမ္ပဏီ AI မှာ ငွေကုန်များနေလို့ ဝန်ထမ်းရာဂဏန်းကို အလုပ်ထုတ်ပယ်
<p>Meta ကုမ္ပဏီဟာ ဗုဒ္ဓဟူးနေ့မှာ အဖွဲ့အစည်းအသီးသီးက ဝန်ထမ်းအရေအတွက် ရာဂဏန်းကို အလုပ်ထုတ်ပယ်လိုက်တယ်လို့ သတင်းရင်းမြစ်တစ်ခုက ပြောပါတယ်။ အဲဒီအလုပ်ထုတ်မှုတွေဟာ</p>
Meta ကုမ္ပဏီဟာ ဗုဒ္ဓဟူးနေ့မှာ အဖွဲ့အစည်းအသီးသီးက ဝန်ထမ်းအရေအတွက် ရာဂဏန်းကို အလုပ်ထုတ်ပယ်လိုက်တယ်လို့ သတင်းရင်းမြစ်တစ်ခုက ပြောပါတယ်။ အဲဒီအလုပ်ထုတ်မှုတွေဟာ Reality Labs ဌာန၊ လူမှုကွန်ရက်အဖွဲ့တွေနဲ့ ဝန်ထမ်းသစ်ခေါ်ယူရေး လုပ်ငန်းစဉ်တွေမှာ အဓိကသက်ရောက်မှုရှိမှာဖြစ်ပြီး ကုမ္ပဏီဘက်ကတော့ ဒါဟာ လုပ်ငန်းပန်းတိုင်တွေ အောင်မြင်ဖို့အတွက် ပုံမှန်ပြုလုပ်နေကျ ပြုပြင်ပြောင်းလဲမှုတစ်ခုသာဖြစ်တယ်လို့ ဆိုပါတယ်။
အခုတစ်ခေါက် အလုပ်ထုတ်ပယ်မှုဟာ အရင်က ခန့်မှန်းထားတဲ့ ဝန်ထမ်းအင်အား ၂၀ ရာခိုင်နှုန်းကျော်အထိ လျှော့ချမယ့် အစီအစဉ်နဲ့စာရင် အတိုင်းအတာ သေးငယ်နေပါသေးတယ်။ အရင်က သတင်းတွေမှာတော့ Meta ရဲ့ ထိပ်တန်းအမှုဆောင်တွေက ဝန်ထမ်းအင်အား အကြီးအကျယ်လျှော့ချဖို့အတွက် အကြီးတန်းခေါင်းဆောင်တွေကို ပြင်ဆင်ခိုင်းထားတယ်လို့ ဖော်ပြခဲ့ကြပါတယ်။
Facebook ရဲ့ မိခင်ကုမ္ပဏီဖြစ်တဲ့ Meta ဟာ AI နည်းပညာပိုင်းမှာ ဒေါ်လာဘီလီယံပေါင်းများစွာ ရင်းနှီးမြှုပ်နှံထားတာကြောင့် ကုန်ကျစရိတ်တွေ မြင့်တက်နေပါတယ်။ ၂၀၂၆ ခုနှစ်မှာ စုစုပေါင်းအသုံးစရိတ် ဒေါ်လာ ၁၆၂ ဘီလီယံကနေ ၁၆၉ ဘီလီယံအထိ ရှိလာနိုင်ပြီး AI ပညာရှင်တွေကို ခေါ်ယူဖို့အတွက်လည်း အသုံးစရိတ်တွေ အများကြီးသုံးစွဲနေရတာကြောင့် အခုလို ဝန်ထမ်းအင်အား လျှော့ချပြီး ကုန်ကျစရိတ်ကို ပြန်လည်ထိန်းညှိနေတာ ဖြစ်ပါတယ်။
Ref: thehindu
