နည်းပညာဘီလူးကြီး Microsoft ရဲ့ ပြီးခဲ့တဲ့ စက်တင်ဘာလကုန် သုံးလပတ် အမြတ်ငွေဟာ ကန်ဒေါ်လာ ၃၆ ဒသမ ၆ ဘီလီယံကျော်အထိ အံ့မခန်း ထိုးတက်သွားခဲ့ပါတယ်။ cloud computing လုပ်ငန်းရဲ့ အားကောင်းတဲ့ တိုးတက်မှုကြောင့် ကုမ္ပဏီရဲ့ ဝင်ငွေဟာလည်း ယခင်နှစ်ကထက် ၁၉ ရာခိုင်နှုန်း ခုန်တက်သွားပြီး ဒေါ်လာ ၉၂ ဒသမ ၃ ဘီလီယံအထိ ရောက်ရှိလာခဲ့ပါတယ်။
စိတ်ဝင်စားစရာအကောင်းဆုံးကတော့ အဲဒီလို ငွေကြေးဆိုင်ရာ အောင်မြင်မှုတွေ ရရှိနေပေမယ့် ကုမ္ပဏီရဲ့ လုပ်ငန်းခွင်အင်အား လေးပုံတစ်ပုံကျော်ကို လျှော့ချမယ့် အစီအစဉ်တွေ ကြေညာအပြီး ရက်ပိုင်းအကြာမှာပဲ ဒီသတင်း ထွက်ပေါ်လာတာ ဖြစ်ပါတယ်။ Artificial Intelligence (AI) နည်းပညာမှာ ဧရာမ ရင်းနှီးမြှုပ်နှံမှုတွေ လုပ်ဖို့အတွက် ကုန်ကျစရိတ်တွေ လျှော့ချနိုင်အောင် Canada, India, UK နဲ့ US နိုင်ငံတွေမှာရှိတဲ့ ဝန်ထမ်း ၆၀,၀၀၀ ဝန်းကျင်ကို အလုပ်ထွက်ခွင့် (buyouts) တွေ ကမ်းလှမ်းသွားမှာ ဖြစ်ပါတယ်။
AI နည်းပညာ ဖွံ့ဖြိုးတိုးတက်မှုဟာ လုပ်ငန်းနယ်ပယ်တိုင်းမှာ လက်တွေ့ကျတဲ့ သက်ရောက်မှုတွေ ရှိနေပြီလို့ အမှုဆောင်အရာရှိချုပ် Satya Nadella က ဂုဏ်ယူဝင့်ကြွားစွာ ပြောကြားခဲ့ပါတယ်။ Microsoft ရဲ့ အစုရှယ်ယာတွေ ဈေးတက်လာခဲ့ပေမယ့် ပြိုင်ဘက် Alphabet ကတော့ AI ပိုင်းမှာ အလားတူ ငွေကြေးအမြောက်အမြား သုံးစွဲနေတဲ့ကြားက အမြတ်ငွေ ကျဆင်းခဲ့တဲ့အတွက် အစုရှယ်ယာဈေးတွေ ထိုးကျသွားခဲ့ပါတယ်။
Ref : bbc
