ဂျာမနီနိုင်ငံ ကိုလုံးမြို့မှာ ဆယ်ကျော်သက်မိန်းကလေးတဦးကို အဝေးထိန်းစက်ရုပ် အသုံးပြုပြီး လိင်ပိုင်းဆိုင်ရာ ထိပါးနှောင့်ယှက်ခဲ့တယ်ဆိုတဲ့ ထူးဆန်းပြီး စိတ်ဝင်စားစရာကောင်းတဲ့ ဖြစ်ရပ်တခုနဲ့ ပတ်သက်လို့ ရဲတပ်ဖွဲ့က အလေးအနက် စုံစမ်းစစ်ဆေးမှုတွေ စတင်နေပါတယ်။
အမြင့် ၁၂၀ စင်တီမီတာရှိပြီး အဖြူရောင်စွပ်ကျယ်ဝတ်ဆင်ထားတဲ့ အဝါနဲ့ အနီရောင် စက်ရုပ်ဟာ မြို့လယ်ခေါင်နားက အမြန်စာစားသောက်ဆိုင်တခုနီးမှာ သူငယ်ချင်းတွေနဲ့အတူ ရှိနေတဲ့ ၁၆ နှစ်အရွယ် မိန်းကလေးငယ်ရဲ့ နောက်ကနေ တိတ်တဆိတ် ချဉ်းကပ်လာခဲ့တာ ဖြစ်ပါတယ်။ အဲဒီနောက် စက်ရုပ်က မိန်းကလေးရဲ့ တင်ပါးကို ကိုင်တွယ်တာနဲ့ မလျော်ကန်တဲ့ လှုပ်ရှားမှုတွေ လုပ်ဆောင်ခဲ့တာကြောင့် မိန်းကလေးက အော်ဟစ်ပြီး ထွက်ပြေးခဲ့ရပါတယ်။
စုံစမ်းချက်တွေအရ အဲဒီစက်ရုပ်ရဲ့ ၁၆ နှစ်အရွယ် ပိုင်ရှင်နဲ့ အသက် ၁၉ နှစ်အရွယ် သူငယ်ချင်းဖြစ်သူတို့ဟာ အဲဒီကျူးလွန်မှုကို လူမှုကွန်ရက်ပေါ်မှာ တိုက်ရိုက်ထုတ်လွှင့်ပြီး လှောင်ပြောင်မှတ်ချက်တွေပေးခဲ့ကြတယ်လို့ ယုံကြည်ရပါတယ်။ ရဲတပ်ဖွဲ့က ဖြစ်စဉ်ဖြစ်ပွားတဲ့နေရာနဲ့ သိပ်မဝေးတဲ့အကွာအဝေးမှာရှိတဲ့နေရာကနေ သံသယရှိသူ လူငယ်နှစ်ဦးကို ရှာဖွေဖော်ထုတ်နိုင်ခဲ့ပြီး ကားနောက်ခန်းထဲမှာ ဝှက်ထားတဲ့ စက်ရုပ်နဲ့ လက်ကိုင်ဖုန်းတွေကိုပါ သိမ်းဆည်းကာ ဥပဒေအရ အရေးယူဖို့ ဆက်လက်ဆောင်ရွက်နေပါတယ်။
Ref : bbc
