ကမ္ဘာအဝန်းမှာ တရုတ် နှစ်သစ်ကူး ပွဲတော်ကို ကျင်းပနေကြပြီး ရိုးရာ ခြင်္သေ့ အကနဲ့ ဖျော်ဖြေမှုတွေကို နေရာတိုင်းမှာ တွေ့ရပါတယ်။ ဒါပေမယ့် ဒီနှစ်မှာ ထူးခြားတာက စက်ရုပ် ခွေးတွေက ခြင်္သေ့ အကနဲ့ ဖျော်ဖြေနေကြတာ ဖြစ်ပြီး အဲဒီ ဗီဒီယိုဟာ အွန်လိုင်းမှာ နာမည်ကြီးနေပါတယ်။
Douyin (တရုတ်ရဲ့ TikTok) မှာ အဲဒီ ဗီဒီယိုဟာ နာမည်ကြီးနေပြီး ခြင်္သေ့ အက ဝတ်စုံတွေ ဝတ်ဆင်ထားတဲ့ စက်ရုပ်ခွေး ၃ ကောင်ဟာ လမ်းမတွေပေါ်မှာ ခြင်္သေ့ အကနဲ့ ဖျော်ဖြေနေကြပါတယ်။ စက်ရုပ် ခွေးတွေဟာ ဟန်ချက်ညီစွာ ကခုန်နေကြတာကို တွေ့ရပါတယ်။
စက်ရုပ် ခွေးတွေဟာ ပြကွက်တစ်ခုမှာ အနောက်ဘက်ကို ဆုတ်ပြီး ကောင်းကင်ကို ကြည့်ကာ ခြင်္သေ့က ဟိန်းတဲ့ အထင်ကရ ပုံစံကို ကပြခဲ့ကြပါတယ်။
စက်ရုပ် ခွေးတွေရဲ့ တိကျမှုနဲ့ အဖွဲ့လိုက် ကခုန်မှုကို ကြည့်ရှုသူတွေ အံ့အားသင့်ခဲ့ကြပါတယ်။ အဲဒီ ဗီဒီယိုဟာ အွန်လိုင်းမှာ လျှင်မြန်စွာ ပျံ့နှံ့သွားပြီး မှတ်ချက်များစွာ ရခဲ့ကြပါတယ်။ လူများစွာက စက်ရုပ် ခွေးတွေရဲ့ စွမ်းဆောင်ရည်ကို ချီးကျူးခဲ့ကြပြီး ချစ်စရာကောင်းတယ်လို့ မှတ်ချက်ပြုကြပါတယ်။
တချို့က အနာဂတ်မှာ စက်ရုပ် ခွေးတွေဟာ လူသားတွေ နေရာကို အစားထိုးလာနိုင်မယ်လို့ ခန့်မှန်းထားကြပါတယ်။
Ref: weirdkaya
