တရုတ် စက်ရုပ်ကုမ္ပဏီ UBTECH ဟာ ဂွမ်ရှီးပြည်နယ်၊ လျိုကျိုးမြို့မှာ လူတူစက်ရုပ်တွေ ထုတ်လုပ်မယ့် စက်ရုံသစ်တစ်ခုကို ၂၀၂၆ ခုနှစ်၊ စက်တင်ဘာလ ၁၂ ရက်နေ့က စတင်ဖွင့်လှစ်ခဲ့ပါတယ်။ အဲဒီစက်ရုံဟာ တစ်နှစ်ကို စက်ရုံသုံး လူတူစက်ရုပ်ပေါင်း ၁ သောင်းကျော်အထိ ထုတ်လုပ်နိုင်စွမ်းရှိပြီး ထုတ်လုပ်မှုလမ်းကြောင်းအရ ၁၀ မိနစ်ကို စက်ရုပ်တစ်ရုပ်နှုန်း ပြီးစီးအောင် တည်ဆောက်ထားတာ ဖြစ်ပါတယ်။
စတုရန်းမီတာ ၁၄,၀၀၀ ကျယ်ဝန်းတဲ့ ဒီစက်ရုံမှာ UBTECH ရဲ့ Walker S နဲ့ Cruzr စီးရီး စက်ရုပ်တွေကို အဓိက ထုတ်လုပ်သွားမှာ ဖြစ်ပါတယ်။ ထူးခြားချက်အနေနဲ့ စက်ရုပ်တွေကို တည်ဆောက်ရာမှာ အခြားစက်ရုပ်တွေနဲ့ အလိုအလျောက်စနစ်သုံး စက်ကိရိယာတွေကို အသုံးပြုထားပြီး လူသားလုပ်သားတွေနဲ့အတူ ပူးပေါင်းလုပ်ဆောင်ကြမှာ ဖြစ်ပါတယ်။ ပြီးစီးသွားတဲ့ စက်ရုပ်တိုင်းကို ၄ နာရီကျော်ကြာ စမ်းသပ်မှုတွေနဲ့ အလိုအလျောက် ၃၆၀ ဒီဂရီ စစ်ဆေးမှုတွေ ပြုလုပ်သွားမှာ ဖြစ်ပါတယ်။
UBTECH ဟာ ၂၀၂၅ ခုနှစ် အကုန်မှာကတည်းက အရွယ်အစားပြည့် လူတူစက်ရုပ် ၆,၀၀၀ ကျော် ထုတ်လုပ်နိုင်ခဲ့ပြီး အခုစက်ရုံသစ်ကတော့ သူတို့ရဲ့ ထုတ်လုပ်မှုစွမ်းရည်ကို ပိုမိုတိုးချဲ့လိုက်တာပဲ ဖြစ်ပါတယ်။ တရုတ်နိုင်ငံရဲ့ စက်ရုပ်လုပ်ငန်းကဏ္ဍဟာ လျင်မြန်စွာ တိုးတက်နေပြီး ပြီးခဲ့တဲ့ ဇူလိုင်လ တစ်လတည်းမှာတင် စက်ရုံသုံးစက်ရုပ်ပေါင်း ၉ သောင်း ၈ ထောင်ကျော် ထုတ်လုပ်နိုင်ခဲ့ပါတယ်။
Ref : Technology Innovation
