အိန္ဒိယမှာ Starlink ဝန်ဆောင်မှု ပိတ်ပင်ခံထားရမှုအပေါ် အီလွန်မက်စ် ပြစ်တင်ဝေဖန်

<p>အိန္ဒိယနိုင်ငံမှာ Starlink ဂြိုလ်တုအင်တာနက် ဝန်ဆောင်မှု စတင်နိုင်ခြင်း မရှိသေးတာဟာ အိန္ဒိယ ပြည်သူတွေအပေါ် ဈေးကွက်ကြီးစိုးထားတဲ့ သူဌေးကြီးတွေရဲ့</p>

အိန္ဒိယနိုင်ငံမှာ Starlink ဂြိုလ်တုအင်တာနက် ဝန်ဆောင်မှု စတင်နိုင်ခြင်း မရှိသေးတာဟာ အိန္ဒိယ ပြည်သူတွေအပေါ် ဈေးကွက်ကြီးစိုးထားတဲ့ သူဌေးကြီးတွေရဲ့ တားဆီးပိတ်ပင်မှုတွေကြောင့် ဖြစ်တယ်လို့ စပေ့အက်စ် (SpaceX) ပိုင်ရှင် အီလွန်မက်စ်  က X လူမှုကွန်ရက်မှာ ရေးသားစွပ်စွဲလိုက်ပါတယ်။ အဲဒီလို တားဆီးမှုတွေဟာ အိန္ဒိယပြည်သူတွေအပေါ် ကျူးလွန်တဲ့ ပြစ်မှုတစ်ခု ဖြစ်တယ်လို့လည်း မက်စ်က ထည့်သွင်းပြောဆိုခဲ့ပါတယ်။

အီလွန်မက်စ်ရဲ့ ပြောဆိုချက်တွေနဲ့ ပတ်သက်ပြီး အိန္ဒိယ ပြန်ကြားရေးဆိုင်ရာ စာနယ်ဇင်းဗျူရို (PIB) က မေးခွန်းထုတ်မှုတွေ တုံ့ပြန်ခဲ့ရာမှာ လုပ်ငန်းလိုင်စင် ရယူလိုတဲ့ ကုမ္ပဏီတိုင်းဟာ အမျိုးသား လုံခြုံရေးဆိုင်ရာ စည်းမျဉ်းတွေကို လိုက်နာရမှာ ဖြစ်ပြီး အစိုးရအနေနဲ့ မည်သည့်ကုမ္ပဏီကိုမှ ခွဲခြားဆက်ဆံခြင်း မရှိဘဲ မျှတတဲ့ မူဝါဒအတိုင်း ဆောင်ရွက်နေတာ ဖြစ်တယ်လို့ ငြင်းဆိုခဲ့ပါတယ်။ အဲဒီအပြင် အတိုက်အခံ နိုင်ငံရေးသမားတွေကလည်း သက်ဆိုင်ရာ သူဌေးကြီးတွေရဲ့ အမည်ကို တိတိကျကျ ထုတ်ဖော်ပြောဆိုဖို့ မက်စ်ကို တောင်းဆိုခဲ့ကြပါတယ်။

လက်ရှိမှာ Starlink အနေနဲ့ အိန္ဒိယမှာ ဝန်ဆောင်မှုပေးနိုင်ဖို့ လိုအပ်တဲ့ မြေပြင်အခြေခံ အဆောက်အအုံတွေ ပြင်ဆင်ထားပြီး ဖြစ်ပေမယ့် အိန္ဒိယ ပြည်ထဲရေးဝန်ကြီးဌာနရဲ့ နယ်စပ်ဒေသ အချက်အလက် လုံခြုံရေးဆိုင်ရာ စိစစ်ချက်တွေအပါအဝင် နောက်ဆုံးအဆင့် လုံခြုံရေး ခွင့်ပြုချက်တွေကို စောင့်ဆိုင်းနေရဆဲ ဖြစ်ပါတယ်။

Ref : medianama