ပြီးခဲ့တဲ့ ကြာသာပတေးနေ့မှာ Ronaldo ဟာ နာမည်ကြီး YouTuber Mr. Beast နဲ့ အင်တာဗျူးလုပ်ခဲ့ပါတယ်။ အဲဒီ YouTube Video ဟာ လိုင်းပေါ်တင်ပြီး ၃ နာရီအတွင်းမှာ ကြည့်ရှုတဲ့ အကြိမ် ၄ သန်းကျော်သွားခဲ့ပါတယ်။ အခု စာရေးနေတဲ့ အချိန်မှာ ကြည့်ရှုမှု သန်း ၄၀ ကျော်သွားပြီ ဖြစ်ပါတယ်။
Mr. Beast ဟာ YouTuber တွေအားလုံးထဲမှာ Subscriber အများဆုံးရထားပြီး ၃၃၁ သန်းတောင် ရှိပါတယ်။ Ronaldo ဟာ ပြီးခဲ့တဲ့ လအနည်းငယ်ကမှ YouTube Channel ဖွင့်ထားတာ ဖြစ်ပြီး မြန်မြန်ဆန်ဆန်ပဲ Subscriber ၆၇.၅ သန်း ရထားပါတယ်။
အင်တာဗျူးမှာ Mr. Beast က “ Ronaldo ရေ။ မင်းဟာ ပထမဆုံးလမှာတင် Subscriber သန်း ၂၀ နဲ့ ၃၀ ကြားရခဲ့တယ်လို့ ထင်ပါတယ်။ မင်း သန်း ၆၀ ရတဲ့ အချိန်မှာ ငါ အံ့အားသင့်ခဲ့ပါတယ်။ ၁ လထဲမှာ သန်း ၂၀ ရတာ ငါတို့ပဲ ရှိပါတယ်။ “ လို့ Ronaldo ကို ပြောခဲ့ပါတယ်။
လူမှုကွန်ရက် အကောင့် အားလုံးမှာ Ronaldo ဟာ စက်တင်ဘာလမှာ Follower ၁ ဘီလီယမ်ကျော်သွားခဲ့ပြီး အဲဒီစံချိန်ကို ရတဲ့ ကမ္ဘာ့ ပထမဆုံး လူသား ဖြစ်လာခဲ့ပါတယ်။
Ronaldo နဲ့ Mr. Beast တို့ရဲ့ အင်တာဗျူးကို အောက်မှာ ကြည့်နိုင်ပါတယ်။
Ref : bleachrreport
