Xiaomi က အမိုက်စား Battery နဲ့ အားသွင်းစွမ်းရည် ပါတဲ့ တက်ဘလက် အသစ် တစ်လုံးကို ဖန်တီးနေတယ်လို့ သတင်းထွက်နေပါတယ်။ နာမည်ကြီး Tipster Digital Chat Station က အဲဒီ တက်ဘလက်မှာ စုစုပေါင်း 5,900mAh ပါတဲ့ Dual-cell Battery ကို သုံးထားမယ်လို့ ပြောပါတယ်။
အဲဒီ Battery ဟာ 12,000mAh Single-cell Battery နဲ့ ညီမျှပြီး Battery သက်တမ်း ကြာမြင့်မှာပါ။ ဒါ့အပြင် 120W Fast Charging ပါလာမှာ ဖြစ်ပြီး အရင် တက်ဘလက်တွေထက် အားသွင်းနှုန်း ပိုမြန်လာမှာပါ။
အဲဒီ တက်ဘလက်ရဲ့ မော်ဒယ် အတိအကျကို မသိရသေးပေမယ့် တက်ဘလက် အသစ် ဖြစ်လာမှာ သေချာပါတယ်။ အရင်သတင်းတွေအရ Xiaomi ဟာ ၂၀၂၅ ခုနှစ်မှာ OLED တက်ဘလက် တစ်လုံးကို ကြေညာမှာ ဖြစ်ပြီး 11” Display , 144Hz Refresh Rate, စွမ်းရည်မြင့် Snapdragon Processor , 24GB RAM နဲ့ 120W Fast Charging တွေ ပါလာနိုင်ပါတယ်။ ဒီဇိုင်းက Xiaomi Pad 6 Series နဲ့ တူညီနိုင်ပါတယ်။ ဒါဟာ သတင်းထွက်နေတဲ့ OLED တက်ဘလက် ဖြစ်နိုင်ပါတယ်။
Digital Chat Station က အဲဒီ တက်ဘလက်ဟာ Redmi Series မဟုတ်ဘဲ ၄,၀၀၀ ယွမ် (၅၄၈ ဒေါ်လာ)နဲ့ ရောင်းချနိုင်တယ်လို့ ပြောပါတယ်။ လက်ရှိ Xiaomi Pad 7 Pro 12/512GB ကို ၃,၄၉၉ ယွမ် (၄၇၉ ဒေါ်လာ)နဲ့ ရောင်းချထားတာ ဖြစ်ပါတယ်။ အဲဒီအတွက် Xiaomi ရဲ့ တက်ဘလက် အသစ်ဟာ စွမ်းရည်မြင့်မားပြီး Apple iPad ကို ယှဉ် ဖိုက်မှာ ဖြစ်ပါတယ်။
Ref: Gizmochina
