Apple က ဇွန်လ ၁၀ ရက်နေ့မှာ Worldwide Developers Conference (WWDC) ကို ကျင်းပမယ်လို့ ကြေညာထားပြီး ဒီနှစ်နှောင်းပိုင်းမှာ ဖြန့်ချိမယ့် iOS 18 ကို မိတ်ဆက်မှာ ဖြစ်ပါတယ်။
Bloomberg ရဲ့ Apple အကြောင်း ကျွမ်းကျင်သူ Mark Gurman က iOS 18 ဟာ iPhone Software သမိုင်းမှာ ထူးခြားဆန်းသစ်မှု အရှိဆုံး ဖြစ်လာမယ်လို့ ပြောပါတယ်။ သူက iOS 18 ကို ဖန်တီးနေတဲ့ လူတွေထံကနေ ဒီသတင်းကို ရရှိခဲ့တာလို့ ပြောပါတယ်။
Mark your calendars for #WWDC24, June 10-14. It’s going to be Absolutely Incredible! pic.twitter.com/YIln5972ZD
— Greg Joswiak (@gregjoz) March 26, 2024
Apple ဟာ WWDC မှာ AI အကြောင်းပြောကြားမှာ ဖြစ်ပြီး အဓိကအားဖြင့် iOS 18 မှာ ထည့်သွင်းပေးထားမယ့် AI နည်းပညာတွေကို ကြေညာသွားမယ်လို့ Gurman က ပြောပါတယ်။ Apple ရဲ့ Marketing ဌာနမှ SVP ကလည်း နောက်လာမယ့် WWDC အကြောင်းကို တွစ်တာမှာ ပို့စ်တင်ထားပြီး “ Absolutely Incredible” လို့ ရေးသားထားပါတယ်။ အဲဒီ စကားလုံးရဲ့ ထိပ်ဆုံး စာလုံးတွေက AI ကို ဆိုလိုတာ ဖြစ်ပါတယ်။
Apple ဟာ iOS 18 မှာ လူတွေရဲ့ နေ့စဉ် ဘဝတွေကို အထောက်အကူပြုမယ့် AI Feature တွေကို ထည့်သွင်းပေးထားမယ်လို့ Gurman က ပြောပါတယ်။ ဒါပေမယ့် Apple ဟာ ကိုယ်ပိုင် AI Chatbot ကို မကြေညာနိုင်သေးပါဘူး။ Apple ဟာ Generative AI Service အတွက် Google နဲ့ OpenAI ထံကနေ အကူအညီယူဖို့ ဆွေးနွေးနေပါတယ်။
Ref : gsmarena
