ပြီးခဲ့တဲ့ လက နာမည်ကြီး Tipster Digital Chat Station က OPPO Find X6 Pro မှာ ၁ လက်မ ကင်မရာ ဆန်ဆာ ပါလာမယ်လို့ သတင်းပေးခဲ့ပါတယ်။ အခုတော့ အဲဒီ သတင်းအချက်အလက်ကို နောက်ထပ် နာမည်ကြီး Tipster Ice Universe က ထပ်လောင်း အတည်ပြုလိုက်ပြီး OPPO Find X6 Seris ရဲ့ အမြင့်ဆုံး မော်ဒယ်မှာ ၁ လက်မ Sony IMX989 ဆန်ဆာကို အသုံးပြုထားမယ်လို့ ပြောပါတယ်။ OPPO Find X6 Series ရဲ့ အမြင့်ဆုံး မော်ဒယ်ဟာ OPPO Find X6 Pro ဖြစ်နိုင်ပါတယ်။
Ice Universe က အဲဒီ စမတ်ဖုန်းရဲ့ တခြား ကင်မရာတွေ အကြောင်းကို ဘာမှ မပြောပေမယ့် DCS က Find X6 Pro ရဲ့ အနောက်ဘက်မှာ 50MP ကင်မရာ ၃ လုံး တပ်ဆင်ထားမှာ ဖြစ်ပြီး Main , Ultrawide နဲ့ Telephoto ကင်မရာတွေ ဖြစ်မယ်လို့ ပြောပါတယ်။
ရိုးရိုး OPPO Find X6 မှာ 50MP Main နဲ့ 50MP Ultrawide ကင်မရာ ၂ လုံးကို ဆက်လက် ထိန်းသိမ်းထားမှာ ဖြစ်ပေမယ့် 50MP Telephoto ကင်မရာကို 32MP Telephoto ကင်မရာနဲ့ အစားထိုးထားမှာ ဖြစ်ပါတယ်။
OPPO Find X6 Pro ဟာ ၁ လက်မ ကင်မရာ ဆန်ဆာ ပါတဲ့ ပထမဆုံး စမတ်ဖုန်း မဟုတ်ပါဘူး။ အရင်က ၁ လက်မ ကင်မရာ ဆန်ဆာ ပါတဲ့ စမတ်ဖုန်းတွေကို မြင်တွေ့ခဲ့ပြီးပြီ ဖြစ်ပြီး အခုနောက်ဆုံး မကြာခင်က ထွက်ခဲ့တဲ့ Xiaomi 12S Ultra မှာလည်း ၁ လက်မ ကင်မရာ ဆန်ဆာကို အသုံးပြုထားပါတယ်။
Ref : gsmarena
