FTX ဟာ Crypto အရောင်းအဝယ်ပြုလုပ်တာ အပြင် သမားရိုးကျ စတော့ အရောင်းအဝယ်ပြုလုပ်တဲ့ ဝန်ဆောင်မှုကို မကြာခင် မိတ်ဆက်တော့မယ်လို့ ကြေညာလိုက်ပါတယ်။ အဲဒီ ဝန်ဆောင်မှုကို အမေရိကန်က တချို့ သုံးစွဲသူတွေမှာ လက်ရှိ ရရှိနေပြီ ဖြစ်ပြီး လာမယ့် လအနည်းငယ်အတွင်း တခြား သုံးစွဲသူတွေအတွက် တိုးချဲ့ ဖြန့်ချိသွားဖို့ ရည်ရွယ်ထားပါတယ်။
FTX က ကော်မရှင် မယူဘဲ အခမဲ့ အရောင်းအဝယ်ပြုလုပ်ခွင့်ပေးမယ်လို့ ပြောပြီး သုံးစွဲသူတွေဟာ သူတို့ အကောင့်ထဲကို Credit Card Deposit , ACH Transfers နဲ့ Wire Transfers တွေကနေ ငွေ ထည့်သွင်းနိုင်မှာ ဖြစ်ပါတယ်။ FTX က သုံးစွဲသူတွေဟာ USDC လို Stablecoin တွေနဲ့ သူတို့ အကောင့်ထဲ ငွေ ထည့်သွင်းနိုင်အောင် ပြုလုပ်ပေးတဲ့ ပထမဆုံး ကုမ္ပဏီလို့ ပြောပါတယ်။
FTX ရဲ့ အမေရိကန်က ဥက္ကဌ Brett Harrison က “ FTX Stocks ကို မိတ်ဆက်ခြင်းဖြင့် ရင်းနှီးမြှပ်နှံသူတွေဟာ ပွင့်လင်းမြင်သာပြီး ရိုးရှင်းတဲ့ User Interface ကနေ Crypto , NFT နဲ့ သမားရိုးကျ စတော့တွေကို အရောင်းအဝယ်ပြုလုပ်နိုင်မှာပါ။ “ လို့ ပြောပါတယ်။
Robinhood , Block ပိုင်တဲ့ Cash App နဲ့ Public.com တို့ဟာလည်း သုံးစွဲသူတွေ စတော့နဲ့ Crypto တို့ကို အရောင်းအဝယ်ပြုလုပ်ခွင့်ပေးထားပြီး အခုတော့ FTX ကပါ အဲဒီ နယ်ပယ်ထဲ ဝင်ရောက်လာပြီ ဖြစ်တဲ့အတွက် ပြိုင်ဆိုင်မှု ပိုမို ပြင်းထန်လာတော့မှာ ဖြစ်ပါတယ်။
Ref : theverge
