Oukitel က ဒီလကုန်မှာ Oukitel RT8 အမည်ရ အကြမ်းခံ တက်ဘလက် အသစ် ၁ လုံးကို ကြေညာဖို့ ပြင်ဆင်နေပါတယ်။ အဲဒီတက်ဘလက်ရဲ့ သတင်းအချက်အလက်တချို့လည်း ထွက်ပေါ်လာပါတယ်။
Oukitel RT8 မှာ 11” 2K မျက်နှာပြင် ပါလာမှာ ဖြစ်ပြီး အကြမ်းခံ တက်ဘလက်တွေရဲ့ ထုံးစံအတိုင်း မျက်နှာပြင်ဘေးဘောင်တွေက ထူပါတယ်။ အရှေ့ဘက်မှာ 32MP ဆဲလ်ဖီး ကင်မရာ တပ်ဆင်ထားပြီး အနောက်ဘက်မှာ 48MP Main (Sony Sensor) , 20MP Night Vision နဲ့ 5MP Macro ကင်မရာ ၃ လုံး ပါလာမှာပါ။
Oukitel RT8 မှာ သားရေ လက်ကိုင်ကြိုး ထည့်သွင်းထားပြီး အပြင်သွားရင် သယ်ဆောင်ရ လွယ်ကူစေပါတယ်။ ဒါ့အပြင် ဗီဒီယို ကြည့်ရင်၊ Video Call ပြောရင်နဲ့ တခြားအလုပ်တွေ လုပ်ရင် Stand အဖြစ် အသုံးပြုနိုင်တဲ့ Accessory တစ်ခုကိုလည်း ထုတ်လုပ်ပေးထားမှာ ဖြစ်ပါတယ်။
တက်ဘလက်မှာ Helio G99 SoC ၊ Android 13 ၊ 6GB RAM နဲ့ 256GB Storage ထည့်သွင်းထားမှာ ဖြစ်ပြီး 1TB microSD Card စိုက်နိုင်ပါတယ်။ 33W Charging ထောက်ပံ့တဲ့ 20,000mAh Battery ပါလာမှာပါ။
အကြမ်းခံ တက်ဘလက် ဖြစ်တဲ့အတွက် IP68/69K နဲ့ MIL-STD-810H Certification တွေရထားမှာပါ။ အထူက ၁၅.၁ မီလီမီတာနဲ့ အလေးချိန်က ၉၉၆.၇ ဂရမ် ရှိမှာ ဖြစ်ပါတယ်။ တက်ဘလက်ကို ဒေါ်လာ ၃၀၀ ဝန်းကျင်နဲ့ ရောင်းချနိုင်ပါတယ်။
Ref : gsmarena
