Infinix က ဈေးနှုန်းသင့်တင့်ချိုသာတဲ့ Note 40 Pro+ 5G ကို ကြေညာလိုက်ပါတယ်။ ဒါဟာ Pro+ အမည်ပါတဲ့ ပထမဆုံး Infinix Note ဖုန်း ဖြစ်ပါတယ်။
Infinix Note 40 Pro+ 5G မှာ Dimensity 7020 6nm Chip ထည့်သွင်းထားပြီး 12GB RAM ပါတဲ့အပြင် Virtual RAM နဲ့ RAM ကို ၂ ဆ တိုးမြှင့်နိုင်ပါတယ်။ 6.78” FHD+ AMOLED မျက်နှာပြင်ကွေး တပ်ဆင်ထားပြီး 120Hz Refresh Rate နဲ့ 1,300 Nits Peak Brightness ထောက်ပံ့ထားပါတယ်။ မျက်နှာပြင်ကို Gorilla Glass နဲ့ ကာကွယ်ထားပါတယ်။
အနောက်ဘက်မှာ 108MP Main (OIS, 3x In-sensor Zoom) ပါလာပြီး အားနည်းချက်က 4K Video မရိုက်နိုင်ပါဘူး။ တခြား ကင်မရာ ၂ လုံးက 2MP တွေ ဖြစ်ပါတယ်။ ဆဲလ်ဖီး ကင်မရာအတွက် 32MP ကို သုံးထားပါတယ်။
4,500mAh Battery ထည့်သွင်းထားပြီး ၁၂ မိနစ်အားသွင်းရင် ၅၀ ရာခိုင်နှုန်း ပြည့်ပါတယ်။ ၅ မိနစ်အားသွင်းရင် ၃ နာရီ ဂိမ်းကစားနိုင် သို့မဟုတ် ၇ နာရီ ဗီဒီယို ကြည့်နိုင်ပါတယ်။ 45W Wired Charging အပြင် 20W Wireless Charging လည်း ပါပါတယ်။
IP53 ရေစိုခံစံနှုန်း ထည့်သွင်းထားပြီး Vintage Green နဲ့ Obsidian Black အရောင်တွေ ထုတ်လုပ်ထားပါတယ်။ တန်ဖိုးအနည်းဆုံး မော်ဒယ်ကို ၃၁၀ ဒေါ်လာ သတ်မှတ်ထားပါတယ်။
Ref : gsmarena
