iOS 14 မှာ Reboot လုပ်တိုင်း Default Apps တွေကို Reset လုပ်တဲ့ ပြဿနာ ဖြစ်နေ

Apple က iOS 14 ကို ပူပူနွေးနွေး ထုတ်ပေးထားတာ ၂ ရက်လောက်ပဲ ရှိပါသေးတယ်။ ဒါပေမယ့် အရေးကြီးတဲ့ Bug ၁ ခုကို ပထမဆုံး အကြိမ်တွေ့လာရပြီ ဖြစ်ပါတယ်။ iOS 14 ရဲ့ အမိုက်စား လုပ်ဆောင်ချက်တွေထဲက ၁ ခုက Default Browser နဲ့ Email App ကို ကြိုက်နှစ်သက်တာ သတ်မှတ်ထားလို့ရတာပါ။ ဒါပေမယ့် Reboot လုပ်တိုင်း Default အနေနဲ့ Apple Apps တွေကို မူလ အတိုင်း ပြန်ပြောင်းလိုက်တဲ့ ပြဿနာ ဖြစ်နေပါတယ်။

အဲဒီအတွက် သင့် iPhone ဘက်ထရီ ကုန်သွားလို့ပဲ ဖြစ်ဖြစ်၊ Restart လုပ်တဲ့အခါပဲ ဖြစ်ဖြစ် Safari နဲ့ Apple Mail App တွေကိုပဲ Default App အဖြစ် ပြန်သတ်မှတ်လိုက်မှာပါ။ Settings ထဲသွားပြီး သင် အသုံးပြုချင်တဲ့ Browser , Email App တွေကို Default အဖြစ် ပြန်သတ်မှတ်ပေးရမှာ ဖြစ်တဲ့အတွက် အလုပ်ရှုပ်စေပါတယ်။