အီတလီရဲ့ ဒေတာ ကာကွယ်ရေး အေဂျင်စီ Garante က ကိုယ်ရေးကိုယ်တာ ဒေတာတွေ အလွဲသုံးစားလုပ်မှုနဲ့ OpenAI ကို ဒေါ်လာ ၁၅.၆ သန်း ဒဏ်ရိုက်လိုက်ပါတယ်။
ChatGPT ရဲ့ ဒေတာ အသုံးပြုမှုတွေကို စစ်ဆေးခဲ့ပြီး OpenAI ဟာ သုံးစွဲသူတွေကို အသိပေးထားတာ မရှိဘဲ AI ကို လေ့ကျင့်သင်ကြားဖို့ ကိုယ်ရေးကိုယ်တာ ဒေတာတွေကို အသုံးပြုနေတယ်ဆိုတာကို တွေ့ရှိခဲ့ပါတယ်။
၂၀၂၃ ခုနှစ်မှာ စစ်ဆေးခဲ့တာ ဖြစ်ပြီး OpenAI ဟာ လုံလောက်တဲ့ အသက် ခွဲခြားတဲ့ စနစ် မရှိဘဲ အသက် ၁၃ နှစ်အောက် ကလေးတွေဟာ အန္တရာယ်ရှိတဲ့ AI ပေးတဲ့ Content တွေကို တွေ့ကြုံနေရတယ်လို့ သိရှိခဲ့ပါတယ်။
ဒါ့အပြင် Garante က ChatGPT ရဲ့ လုပ်ငန်းနဲ့ ဒေတာ စုဆောင်းတဲ့ အပြုအမူတွေကို ရှင်းပြဖို့ OpenAI ကို တောင်းဆိုလိုက်ပါတယ်။
OpenAI က ဒီအမှုဟာ ကျိုးကြောင်းဆီလျော်မှု မရှိဘဲ အယူခံဝင်မယ်လို့ ပြောပါတယ်။ ဒါဟာ အီတလီရဲ့ AI နည်းပညာ တိုးတက်မှုကို အဟန့်အတား ဖြစ်စေမယ်လို့ ပြောပါတယ်။
Ref: Tech Explorers
