LG Display ဟာ Flexible Display နည်းပညာ အသစ်ကို ပြသလိုက်ပါတယ်။ LG ဟာ ကမ္ဘာ့ ပထမဆုံး ဆန့်ထုတ်နိုင်တဲ့ Display ကို ပြသလိုက်ပြီး ရုပ်ပုံ အရည်အသွေးကို မထိခိုက်စေဘဲ ၅၀ ရာခိုင်နှုန်း ဆန့်ထုတ်နိုင်ပါတယ်။

အဲဒီ Display ဟာ ၁၂ လက်မ ကနေ ၁၈ လက်မအထိ ဆန့်ထုတ်နိုင်ပြီး ၁ လက်မမှာ ၁၀၀ Pixels High Resolution နဲ့ Full RGB Color ကို ထိန်းသိမ်းထားနိုင်ပါတယ်။

LG ဟာ ၂၀၂၂ ခုနှစ်မှာလည်း ဆန့်ထုတ်နိုင်တဲ့ Display ကို ပြသခဲ့ ဖူးပြီး ၂၀ ရာခိုင်နှုန်းပဲ ဆန့်ထုတ်နိုင်ပါတယ်။

LG Display Unveils the World's First High-Resolution Stretchable Display - LG Display Newsroom

LG အခု ပြသလိုက်တဲ့ ဆန့်ထုတ်နိုင်တဲ့ Display ဟာ လက်ရှိ Flexible Display တွေလို ကွေးညွှတ်နိုင်ရုံသာမက လိမ်ချိုးနိုင်ကာ ပုံသဏ္ဍာန်မျိုးစုံကို အသွင်ပြောင်းနိုင်ပါတယ်။ အဲဒီအတွက် ထူးခြားဆန်းသစ်တဲ့ Device တွေကို တီထွင်ဖန်တီးနိုင်မှာပါ။

LG က အဲဒီ Display ဟာ မာကျောပြီး အကြိမ် ၁၀,၀၀၀ ဆန့်ထုတ်နိုင်တယ်လို့ ပြောပါတယ်။ Display မှာ ၄၀ မိုက်ကရိုမီတာ ပဲ ရှိတဲ့ Micro-LED Light Source ထည့်သွင်းထားပြီး အလွန်မြင့်မားတဲ့ အပူချိန်နဲ့ တုန်ခါမှုကို ခံနိုင်ပါတယ်။

အဲဒီ Display ဟာ ပါးလွှာ ပေါ့ပါးပြီး အဝတ်အထည်နဲ့ အရေပြားလို ကွေးညွှတ်နေတဲ့ မျက်နှာပြင်တွေပေါ်မှာ တပ်ဆင်နိုင်ပါတယ်။ LG က အဲဒီနည်းပညာကို ဖက်ရှင်နဲ့ Wearable အပါအဝင် နယ်ပယ်မျိုးစုံမှာ အသုံးပြုနိုင်မယ်လို့ မျှော်မှန်းထားပါတယ်။

Ref : gizmochina