The Information က Microsoft နဲ့ OpenAI တို့ဟာ ဒေါ်လာ ၁၀၀ ဘီလီယမ် ကုန်ကျမယ့် ဒေတာ စင်တာကို တည်ဆောက်ဖို့ စီစဉ်နေတယ်လို့ ပြောပါတယ်။ အဲဒီ စီမံကိန်းကနေ ၂၀၂၈ ခုနှစ်မှာ Stargate အမည်ရ အရွယ်ကြီး AI စူပါကွန်ပြူတာကို တည်ဆောက်မှာပါ။
အလွန်ရှုပ်ထွေးတဲ့ အလုပ်တွေကိုလုပ်နိုင်တဲ့ AI ဒေတာ စင်တာတွေ လိုအပ်မှု မြင့်မားလာတဲ့အတွက် အခု စီမံကိန်းကို ပြုလုပ်တာဖြစ်ပါတယ်။ Generative AI နည်းပညာ တိုးတက်လာတဲ့အတွက် ဒေတာစင်တာတွေ လိုအပ်လာတာပါ။
Microsoft က ဒီစီမံကိန်းမှာ အဓိက ငွေကြေး စိုက်ထုတ်မှာ ဖြစ်ပါတယ်။ စီမံကိန်းရဲ့ ကုန်ကျစားရိတ်ဟာ လက်ရှိ ဒေတာ စင်တာတွေထက် အဆ ၁၀၀ ပိုများပါတယ်။
စူပါကွန်ပြူတာကို အချိန် ၆ နှစ်ယူကာ အမေရိကန်မှာ တည်ဆောက်မှာ ဖြစ်ပါတယ်။ စီမံကိန်း အဆင့် ၅ ခု ရှိပြီး Stargate ဟာ နောက်ဆုံး အဆင့် ဖြစ်ပါတယ်။ လက်ရှိမှာ Microsoft ဟာ OpenAI အတွက် အရွယ်သေး စူပါ ကွန်ပြူတာကို တည်ဆောက်နေပြီး ၂၀၂၆ ခုနှစ်မှာ ပြီးစီးမှာ ဖြစ်ပါတယ်။
Ref : gizmochina
