Nokia က အကြမ်းခံတဲ့ XR21 စမတ်ဖုန်းကို ကြေညာလိုက်ပြီး MIL-STD-810H Military-grade နဲ့ IP69K စံနှုန်း ပါပါတယ်။ IP69K ဟာ ရေနဲ့ ဖုန်တွေကို အမြင့်မားဆုံး ကာကွယ်နိုင်တဲ့ IP စံနှုန်း ဖြစ်ပါတယ်။ 9K က မြင့်မားတဲ့ ဖိအားနဲ့ မြင့်မားတဲ့ အပူချိန်ကို ခံနိုင်တယ်လို့ ရည်ညွှန်းပါတယ်။
မျက်နှာပြင်မှာ လက်ရှိမှာ Corning ရဲ့ အမာကျောဆုံးဖြစ်တဲ့ Gorilla Glass Victus Glass Sheet ကို အသုံးပြုထားပါတယ်။ 6.49” IPS LCD FHD+ မျက်နှာပြင် တပ်ဆင်ထားပြီး 120Hz Refresh Rate ထောက်ပံ့ထားပါတယ်။ လက်အိတ်၊ ရေစိုတဲ့ လက်တွေနဲ့ မျက်နှာပြင်ကို အသုံးပြုနိုင်ပါတယ်။
Snapdragon 695 SoC မောင်းနှင်ထားပြီး 6GB RAM နဲ့ 128GB Storage ထည့်သွင်းထားပါတယ်။ အနောက်ဘက်မှာ 64MP f/1.8 Main နဲ့ 8MP Ultrawide ကင်မရာ ၂ လုံးနဲ့ အရှေ့ဘက်မှာ 16MP ကင်မရာ ၁ လုံး တပ်ဆင်ထားပါတယ်။
33W Charging ထောက်ပံ့တဲ့ 4,800mAh Battery ပါလာပြီး မကောင်းတာက Android 12 ပဲ ထည့်သွင်းထားတာပါ။ Nokia က အဓိက Android OS Update ၃ ခုနဲ့ လစဉ် Security Update ၄ နှစ်ကြာပေးမယ်လို့ ကတိပေးထားပါတယ်။
Nokia XR21 အတွက် Midnight Black နဲ့ Pine Green အရောင်တွေ ထုတ်လုပ်ထားပြီး ဗြိတိန်မှာ စတာလင်ပေါင် ၄၉၉ သတ်မှတ်ထားပါတယ်။ ဇွန်လထဲ ရောင်းချမှာ ဖြစ်ပြီး နိုင်ငံတကာမှာ ရောင်းမယ့်သတင်းကို မသိရသေးပါဘူး။
Ref : gsmarena
