realme 11 Series ကို ဒီနှစ် အစောပိုင်းက ကြေညာခဲ့ပြီး realme 11, realme 11 Pro နဲ့ realme 11 Pro+ တို့ ပါဝင်ပါတယ်။ အဲဒီဖုန်း ၃ လုံးမှာ 5G ဆက်သွယ်မှု ပါပြီး အခုတော့ နိုင်ငံတကာဈေးကွက်အတွက် မော်ဒယ် အသစ် ၂ လုံးကို ကြေညာလိုက်ပါတယ်။ realme 11 5G ကို ထိုင်ဝမ်နဲ့ realme 11 4G ကို ဗီယက်နမ်မှာ မိတ်ဆက်လိုက်ပါတယ်။
realme 11 5G မှာ 5G ဆက်သွယ်မှု ပါလာပြီး Dimensity 6100+ Chipset မောင်းနှင်ထားပါတယ်။ အဲဒီ Chipset ပါတဲ့ပထမဆုံး ဖုန်း ဖြစ်ပါတယ်။ realme 11 4G မှာ Helio G99 SoC ထည့်ထားပါတယ်။
realme 11 5G မှာ 6.72” IPS LCD FHD+ မျက်နှာပြင်နဲ့ 120Hz Refresh Rate ပါလာပါတယ်။ 4G မော်ဒယ်မှာ ပိုသေးတဲ့ 6.4” AMOLED FHD+ မျက်နှာပြင်နဲ့ 90Hz Refresh Rate ပါပါတယ်။ ၂ လုံးစလုံးမှာ 16MP အရှေ့ ကင်မရာ တပ်ဆင်ထားပါတယ်။
အနောက်ကင်မရာတွေ အကြောင်းပြောရရင် 5G မှာ 108MP ISOCELL HM6 Main, 2MP Depth တွေ ထည့်ထားပါတယ်။ 4G မှာ 108MP Main, 2MP Monochrome ကင်မရာ တပ်ဆင်ထားပါတယ်။ ၂ လုံးစလုံးမှာ Android 13 အခြေပြု realme UI 4.0 မောင်းနှင်ထားပြီး 67W SuperVOOC Charging ထောက်ပံ့တဲ့ 5,000mAh Battery ပါပါတယ်။
realme 11 4G အတွက် Black နဲ့ Gold အရောင်တွေ ထုတ်လုပ်ထားပြီး 8/128GB ကို ၃၁၂ ဒေါ်လာနဲ့ 8/256GB ကို ၃၃၇ ဒေါ်လာ သတ်မှတ်ထားပါတယ်။ realme 11 5G အတွက် Black နဲ့ Gold အရောင်တွေ ထုတ်လုပ်ထားပြီး 8/256GB ကို ၂၈၆ ဒေါ်လာ သတ်မှတ်ထားပါတယ်။
Ref : gsmarena
