realme က Entry-level စမတ်ဖုန်းစျေးကွက်အတွက် လိုအပ်ချက်စံနှုန်းများကို ထုတ်ကုန်သစ်ဖြစ်တဲ့ realme C65 နဲ့အတူ ချပြမိတ်ဆက်ပေးဖို့ရှိနေပါပြီ။ Entry-level စမတ်ဖုန်းအများစုမှာတွေ့နေကျဖြစ်တဲ့ Design DNA ကနေခွဲထွက်ထားသလို အရည်အသွေးအာမခံချက်တွေမှာလည်း သုံးစွဲသူတွေအနေနဲ့ ကြာကြာသုံးလေ ပိုတန်ပြီး အရည်အသွေးခံစေမယ့် စံချိန်စံညွှန်းအသစ်တွေကိုပါ ထည့်သွင်းထုတ်လုပ် ပေးထားတာဖြစ်ပါတယ်။

realme C65 ရဲ့ဒီဇီုင်းပိုင်းအတွက် ကြည့်လိုက်တာနဲ့တင် ဆန်းသစ်ခေတ်ရှေ့ပြေးပြီး ပရီမီယံအသွင်းမျိုးဖြစ်စေမယ့် ဒေါင်လိုက်အသွင်း ကင်မရာဒီဇိုင်းပုံစံကို ရယူအသုံးပြုပေးထားသလို တဖြတ်ဖြတ်တောက်ပနေတဲ့ ကြယ်စင်စုတွေကို အခြေခံထားတဲ့ Starlight ဒီဇိုင်းနဲ့ ဖန်းတီးပေးထားတာဖြစ်ပါတယ်။

အခုလို Starlight အသွင်းဒီဇိုင်းနဲ့ ကောင်းမွန်တဲ့အရောင်အသွေးပေါင်းစပ်မှုတို့ရရှိစေဖို့ realme ရဲ့ သုတေသနနဲ့ဖွံ့ဖြိုးရေးကက္ဍက ရင်းနှီးမြှုပ်နှံမှုအဖြစ် ပုံမှန်ထက် ၃ဆပိုမိုစိုက်ထုတ်ကာ ဖန်တီးထားတာပဲဖြစ်ပါတယ်။ ဒါကြောင့် realme C65 ရဲ့နောက်ကျော်ဘက်ဒီဇိုင်းဟာ လေယာ၂ထပ်ပေါင်းစပ်ထားတဲ့ Starlight အသွင်းဒီဇိုင်းမျိုးအဖြစ် ပုံပေါ်စေခဲ့တာပဲဖြစ်ပါတယ်။ အရောင်အတွက် Starlight Purple (ခရမ်း) နဲ့ Starlight Black (အနက်) တို့ကို ရွေးချယ်နိုင်စေမှာဖြစ်ပါတယ်။

5000mAh ဘက်ထရီကိုထည့်သွင်းပေးထားပေမယ့် ဖုန်းရဲ့အထူးခြားဆုံးဒီဇိုင်းမှာ ပါးလွှာခြင်းကလည်း သုံးစွဲသူတွေထည့်သွင်းစဥ်းစားထားတဲ့အားသာချက်တစ်ခုဖြစ်လို့ ပါးလွှာဆန်းသစ်တဲ့အသွင်းမျိုး ရရှိစေဖို့ ဖုန်းရဲ့အထူကို ၇.၆၄ မီလီမီတာအထိ Ultra Slim ဖြစ်အောင် အားထုတ်ပုံဖော်ပေးထားပါတယ်။

ဖုန်းရဲ့အရည်အသွေးနဲ့ပတ်သက်လာရင် realme C65 ဟာ Entry-level ဖုန်းတွေရဲ့စံချိန်သစ်တစ်ရပ်ကို ချပြကာ အရည်အသွေးစစ်ဆေးမှုအဆင့်ပေါင်း ၃၂၀ ကျော်ကို လုပ်ဆောင်ထားလို့ ထိပ်တန်းအရည်အသွေးမျိုးကို ကြာကြာသုံးလေ ပိုမိုထိုက်တန်လေဆိုတာကို ရရှိခံစားရမှာဖြစ်ပါတယ်။

ဖုန်းရဲ့မြန်ဆန်သွက်လက်မှုအပိုင်းမှာလည်း ၄နှစ်အထိ ချောမွေ့ပြေပြစ်စွာသုံးနိုင်စေဖို့ TÜV SÜD ရဲ့ ၄နှစ်ကြာ သွက်လက်မြန်ဆန်စေမယ့် အာမခံချက်ကို ရယူထားတာဖြစ်တဲ့အတွက် နှစ်ကြာသွားရင်လည်း realme C65 ရဲ့စွမ်းဆောင်ရည်ဟာ ဖုန်းအသစ်ဝယ်ထားတုန်းက ချောမွေ့ပြေပြစ်မှုအတိုင်းပဲ သုံးစွဲသူအတွေ့အကြုံကို ရရှိစေဦးမှာဖြစ်ပါတယ်။ realme C65 ဟာ ဖုန်းတစ်လုံးချောမွေ့ပြေပြစ်မှုစံချိန်သစ်ကို ၄ နှစ်အထိပေးတဲ့ ပထမဆုံးစမတ်ဖုန်း လာမှာြဖစ်သလို Entry-level စမတ်ဖုန်းတွေအတွက်ပိုမိုကောင်းမွန်တဲ့ ပရီမီယံစံချိန်စံညွှန်းတွေကိုပါ သုံးစွဲသူတွေအတွက် ယူဆောင်ပေးသွားတော့မှာပဲဖြစ်ပါတယ်။

realme C65 စမတ်ဖုန်းသစ်မှာ အမြင်အာရုံပိုင်းကာကွယ်ပေးနိုင်စေဖို့အတွက်လည်း TUV Rheinland ရဲ့ Low Blue Light စစ်ဆေးချက်နဲ့အာမခံကိုပါ ရယူထားပြီဖြစ်လို့ ဖုန်းကို ကြာကြာကြည့်ကာ အသုံးပြုမယ်ဆိုရင်လည်း မျက်စိကျန်းမာရေးအတွက် သင့်လျော်ကောင်းမွန်စေဦးမှာဖြစ်ပါတယ်။

ဖုန်း Speaker အသံစနစ်ပိုင်းမှာလည်း Ultra Linear နည်းပညာပေါင်းစပ်ပေးထားလို့ အသံပိုင်းကျယ်လောင်စေရုံတင်မကဘဲ ဘေးဘက်ကိုပါပြန့်နှံ့သွားစေလို့ ပတ်လည်အသံစနစ်မျိုးအဖြစ် ခံစားနားဆင်နိုင်မှာဖြစ်ပါတယ်။

realme ရဲ့ စဥ်ဆက်မပြတ်ကြိုးစားနေတဲ့ အရည်အသွေးမြင့်ထုတ်ကုန်တွေကို လူငယ်သုံးစွဲသူတွေပိုမိုထိတွေ့အသုံးပြုနိုင်စေဖို့ ရည်ရွယ်ချက်အတိုင်း realme C65 က အရည်အသွေးစံချိန်မီ အာမခံချက်များစွာနဲ့အတူ သုံးစွဲသူတွေလက်ထဲကို မကြာခင်ရောက်ရှိလာတော့မှာဖြစ်ပါတယ်။

media release: realme