Samsung က ပြင်သစ် အိုလံပစ်မှာ အားကစားသမားတွေကို Galaxy Z Flip6 Olympic Edition ကို လက်ဆောင်ပေးခဲ့ပြီး အခုတော့ အဲဒီဖုန်းရဲ့ လူကြိုက်အများဆုံး စွမ်းရည်တွေကို ပြသလိုက်ပါတယ်။
Samsung က အဲဒီဖုန်းရဲ့ ဘာသာပြန် စွမ်းရည်ကြောင့် ဘာသာစကား မတူတဲ့ အားကစားသမားတွေအတွက် ဆက်သွယ်မှု ပိုကောင်းလာစေတယ်လို့ ပြောပါတယ်။ ဒီစွမ်းရည်ဟာ လူ ၂ ယောက် ပြောတဲ့ မတူညီတဲ့ ဘာသာစကားတွေကို အချိန်နဲ့ တစ်ပြေးညီ ဘာသာပြန်ပေးနိုင်ပြီး Screen မှာ စာသားတွေကိုတောင် ရေးပြနိုင်ပါတယ်။
ဘာသာစကား မတူညီတဲ့ အားကစားသမားတွေဟာ ဖုန်းရဲ့ ဘာသာပြန် စွမ်းရည်နဲ့ ဖုန်းပြောတဲ့ သရုပ်ပြသမှုကိုလည်း Samsung က ပြုလုပ်ခဲ့ပါတယ်။ အားကစားသမားတွေက ဒီစွမ်းရည်ဟာ နိုင်ငံခြားကို ခရီး မကြာခဏ သွားသူတွေအတွက် အသုံးဝင်တယ်လို့ ပြောကြပါတယ်။
Samsung က ပြင်သစ် အိုလံပစ်မှာ Foldable ဖုန်း အသစ်တွေကို ပြသထားပြီး အားကစားသမားနဲ့ ပွဲကြည့်ပရိတ်သတ်တွေက စမ်းသပ် အသုံးပြုနိုင်ပါတယ်။ Samsung က ဒီစွမ်းရည်ကို အသုံးပြုဖို့အတွက် အင်တာနက် ဆက်သွယ်မှု မလိုအပ်ဘူးလို့ ပြောပါတယ်။
Samsung ဟာ အိုလံပစ် ပွဲတော်မှာ ထဲထဲဝင်ဝင် ပါဝင်နေပါတယ်။ အားကစားသမားတွေ ချီတက်လမ်းလျှောက်တာကို ရိုက်ကူးဖို့ ဖုန်း ၂၀၀ ကျော်ကို ထောက်ပံ့ပေးခဲ့ပြီး ရွက်လှေပြိုင်ပွဲကို Galaxy S24 Ultra နဲ့ ရိုက်ကူးပေးခဲ့ပါတယ်။
Ref : gsmarena
