Samsung ဟာ ၂၀၂၅ ခုနှစ်မှာ ၃ ခေါက်ချိုးဖုန်းကို ရောင်းချနိုင်တယ်လို့ တောင်ကိုရီးယားကနေ သတင်းထွက်လာပါတယ်။ Samsung ဟာ အဲဒီနည်းပညာအတွက် အဆင်သင့် ဖြစ်နေပြီဖြစ်ပြီး Supply Chain က အဲဒီ ဖုန်းအတွက် ပြင်ဆင်ထားပြီးပါပြီ။ Samsung ရဲ့ Foldable ဖုန်းတွေ ထုတ်လုပ်တဲ့ MX (Mobile eXperience) ဌာန ကနေ အဲဒီ ၃ ခေါက်ချိုးဖုန်းကို ထုတ်လုပ်မှာ ဖြစ်ပါတယ်။
Galaxy Z Fold6 နဲ့ Galaxy Z Flip6 တို့ဟာ ထင်ထားသလောက် ရောင်းအား မကောင်းတဲ့အတွက် Foldable OLED Panel အော်ဒါတွေဟာ ၁၀ ရာခိုင်နှုန်းကျော် ကျဆင်းခဲ့ပါတယ်။
Samsung Display ရဲ့ ၂၀၂၄ ခုနှစ်မှာ Foldable OLED Panel ရောင်းအားဟာ ၁၂ သန်း ရှိခဲ့ပြီး ၂၀၂၃ ခုနှစ်က သန်း ၂၀ ထက် ၄၀ ရာခိုင်နှုန်း ကျဆင်းခဲ့ပါတယ်။ အဲဒီ Display တွေဟာ Galaxy ထုတ်ကုန်တွေအတွက် ပါဝင်သလို Xiaomi , vivo နဲ့ OPPO တို့လို ကုမ္ပဏီတွေက ဝယ်ယူတာတွေလည်း ပါပါတယ်။
Galaxy Z Fold6 နဲ့ Galaxy Z Flip6 တို့ဟာ ၈ သန်းဝန်းကျင် ရောင်းချထားပြီး မျှော်မှန်းထားတဲ့ ၁၀ သန်းထက် ကျဆင်းခဲ့ပါတယ်။ အဲဒီအတွက် Samsung ဟာ လူတိုင်း သုံးနိုင်တဲ့ ဈေးချိုတဲ့ Galaxy Flip စမတ်ဖုန်းကို ထုတ်လုပ်ရောင်းချဖို့ စီစဉ်နေတယ်လို့ သတင်းထွက်နေပါတယ်။
Ref : gsmarena
