Apple က Vision Pro ကို အမေရိကန်မှာပဲ ရောင်းချပေးထားပါတယ်။ လက်ရှိမှာ Vision Pro ရဲ့ ကန့်သတ်ချက်တစ်ခုက English ဘာသာစကားကိုပဲ ထောက်ပံ့ပြီး Virtual Keyboard နဲ့ Autocorrect Function ကလည်း English (US) နဲ့ပဲ အလုပ်လုပ်ပါတယ်။
လက်ရှိ အမေရိကန်မှာပဲ ရောင်းချထားတဲ့အတွက် ဒါဟာ ပြဿနာ မဟုတ်ပါဘူး။ အခုတော့ Apple ဟာ Vision Pro ကို တခြားနိုင်ငံတချို့မှာ ရောင်းချပေးတော့မယ်လို့ ထင်ရပါတယ်။ Apple က ဒီနှစ်ကုန်မှာ တခြားနိုင်ငံတွေမှာ ရောင်းချမယ်လို့ အတည်ပြုထားပါတယ်။
visionOS Code အရ Virtual Keyboard ဟာ ဘာသာစကား ၁၂ ခုကို ထောက်ပံ့တော့မှာဖြစ်ပြီး အဲဒီ ဘာသာစကားတွေကို အောက်မှာ ဖော်ပြလိုက်ပါတယ်။
- Cantonese, Traditional
- Chinese, Simplified
- English (Australia)
- English (Canada)
- English (Japan)
- English (Singapore)
- English (UK)
- French (Canada)
- French (France)
- German (Germany)
- Japanese
- Korean
Apple ဟာ ဒေါ်လာ ၃,၅၀၀ တန် Headset ကို ဧပြီ သို့မဟုတ် မေလမှာ တရုတ်မှာ ရောင်းချနိုင်တယ်လို့ ပြီးခဲ့တဲ့လက သတင်းထွက်ခဲ့ပါတယ်။ အခုတော့ Apple ဖန်တီးနေတဲ့ ဘာသာစကားတွေအရ အောက်ပါ နိုင်ငံတွေမှာ ရောင်းချနိုင်ပါတယ်။
- China
- Australia
- Canada
- Japan
- Singapore
- UK
- France
- Germany
- South Korea
ဇွန်လမှာ ကျင်းပမယ့် Worldwide Developers Conference (WWDC) 2024 မတိုင်ခင်မှာ ရောင်းချနိုင်ပါတယ်။
Ref : gizmochina
