တန်ဖိုးကြီး ပစ္စည်းတွေကို ထုတ်လုပ်ရောင်းချနေတဲ့ Caviar က Apple Vision Pro ဒီဇိုင်းကို အတုခိုးထားတဲ့ Limited-edition iPhone 15 Pro ကို ပြသလိုက်ပါတယ်။ အဲဒီ iPhone မှာ Vision Pro ရဲ့ လှပတဲ့ ထောင့်ချိုးတွေ နဲ့ လုံးဝန်းတဲ့ ဒီဇိုင်းကို အသုံးပြုထားပြီး မူလ iPhone 15 Pro ဒီဇိုင်းနဲ့ လုံးဝ ကွဲထွက်နေပါတယ်။
သူ့ရဲ့ ဈေးနှုန်းကလည်း မသေးပါဘူး။ ဒေါ်လာ ၈,၀၆၀ သတ်မှတ်ထားပြီး မြန်မာငွေ သိန်း ၂၉၀ ကျော်တန်ပါတယ်။ 1TB Pro Max ဆိုရင်ပိုလို့တောင် ဈေးများပြီး ဒေါ်လာ ၉,၅၆၀ သတ်မှတ်ထားပါတယ်။ Caviar က လက်ရှိ iPhone ပိုင်ရှင်တွေအတွက် အဲဒီဒီဇိုင်းကို ဒေါ်လာ ၅,၉၁၀ နဲ့ ပြုလုပ်ပေးမှာ ဖြစ်ပြီး ၉၉ လုံးပဲ ရရှိမှာ ဖြစ်ပါတယ်။
Caviar ဟာ နာမည်ကြီး စမတ်ဖုန်းတွေကို ဆန်းသစ် ရောင်းချရာမှာ နာမည်ကြီးပါတယ်။ အရင်ကလည်း နာရီ ၁ လုံးနဲ့ ၂၄ ကာရက် ရွှေနဂါး ပါတဲ့ Samsung Galaxy S24 Ultra ကို ရောင်းချခဲ့ပါတယ်။ ဒေါ်လာ ၆၀,၀၀၀ တန် Valentine’s Day iPhone ကိုလည်း ရောင်းချခဲ့ပြီး စိန်၊ ရွှေတွေနဲ့ အလှဆင်ထားပါတယ်။ အသည်းနှလုံးပုံ AirTag ကို ဖန်တီးရောင်းချခဲ့ပါတယ်။
အခု Limited-edition iPhone ဟာ အနုပညာကို ချစ်ခင်သူတွေအတွက် သင့်တော်ပါတယ်။ ဒါပေမယ့် ဈေးကတော့ မသေးဘဲ သိန်း ၂၉၀ ကျော် ရှိပါတယ်။
Ref : gizmochina
