Apple က ဒီနှစ်နှောင်းပိုင်းမှာ iPhone နဲ့ iPad တွေအတွက် ဖြန့်ချိမယ့် Accessibility Feature အသစ်တွေကို ကြေညာလိုက်ပါတယ်။ အဲဒါတွေဟာ နောက်လမှာ ကြေညာမယ့် iOS 18 နဲ့ iPadOS 18 ရဲ့တစ်စိတ်တစ်ပိုင်း ဖြစ်နိုင်ပါတယ်။
စိတ်ဝင်စားစရာ အကောင်းဆုံးက Eye Tracking ဖြစ်ပြီး iPhone နဲ့ iPad ၂ ခု စလုံးမှာ အလုပ်လုပ်ပါတယ်။ အဲဒီ Device တွေကို သင့် မျက်လုံးနဲ့ ထိန်းချုပ်နိုင်မှာပါ။
အဲဒါဟာ ကိုယ်လက်အင်္ဂါ မသန်စွမ်းသူတွေအတွက် ရည်ရွယ်ဖန်တီးထားတာ ဖြစ်ပေမယ့် လူတိုင်း အသုံးပြုနိုင်ပါတယ်။ Eye Tracking ကို AI နဲ့ ဖန်တီးထားတာပါ။ အရင်ဆုံး သင့်မျက်လုံးကို အရှေ့ ကင်မရာနဲ့ ချိန်ညှိထားရမှာပါ။ ပြီးရင်တော့ အသုံးပြုလို့ရပါပြီ။ On-device Machine Learning ကို အသုံးပြုထားတဲ့အတွက် သင့်မျက်လုံး ဒေတာတွေ လုံခြုံပါတယ်။
တခြား အပို ဟာ့ဒ်ဝဲနဲ့ Accessory တွေ မလိုအပ်တာက တော်တော်မိုက်ပါတယ်။ Eye Tracking ဟာ App တိုင်းနဲ့ အလုပ်လုပ်ပါတယ်။ App ထဲမှာ Navigate လုပ်ဖို့နဲ့ Touch လုပ်ဖို့ သင့်မျက်လုံးကို အသုံးပြုနိုင်ပါတယ်။
Apple က လှုပ်ရှားနေတဲ့ ယာဉ်ထဲက ခရီးသည်တွေ iPhone, iPad ကြည့်တဲ့အခါ Motion Sickness ကို လျှော့ချပေးတဲ့ Vehicle Motion Cues ကိုလည်း ကြေညာလိုက်ပါတယ်။
Ref : gsmarena
