ZTE က V2020 5G ကို တရုတ်မှာ ကြေညာလိုက်ပြီး 5G ဆက်သွယ်မှု ပါလာပါတယ်။ ၆.၅၃ လက်မ IPS LCD မျက်နှာပြင် ထည့်ထားပြီး Punch Hole ဒီဇိုင်း ဖြစ်ပါတယ်။ 19.5:9 Aspect Ratio ထောက်ပံ့ထားပြီး Full HD+ Resolution ပါလာပါတယ်။ Screen-to-body Ratio က ၉၀.၈ ရာခိုင်နှုန်း ရှိတဲ့အတွက် ဘောင်ပျောက်ဒီဇိုင်းက မိုက်ပါတယ်။
Dimensity 800 Chipset မောင်းနှင်ထားပြီး 8GB LPDDR4x RAM နဲ့ 128GB UFS 2.1 Storage ထည့်ထားပါတယ်။ microSD Card Slot တပ်ဆင်ထားတဲ့အတွက် ဒေတာများစွာ သိမ်းနိုင်ပါတယ်။
ZTE V2020 5G မှာ 16MP Punch Hole ဆဲလ်ဖီး ကင်မရာ ၁ လုံးနဲ့ အနောက်ဘက်မှာ 48MP Main , 8MP Ultrawide , 2MP Macro နဲ့ 2MP Depth ကင်မရာ ၄ လုံး ပါလာပါတယ်။ ဘက်ထရီက 4,000mAh ဖြစ်ပြီး အနောက်ဘက်မှာ လက်ဗွေရာ အာရုံခံ ကိရိယာ တပ်ဆင်ထားပါတယ်။
Android 10 OS အခြေပြု MiFavor UI , Dual SIM Support, 5G / 4G, Wi-Fi 802.11ac, Bluetooth 5.0, GPS, USB-C, Smart PA Amplifier, DTS:X Ultra Support နဲ့ 3.5mm Audio Jack ထည့်သွင်းထားပါတယ်။ တရုတ်မှာ ကြိုတင်မှာယူနိုင်ပြီ ဖြစ်ပြီး ၁,၃၉၉ ယွမ် သတ်မှတ်ထားပါတယ်။ ၂ သိန်း ၇ သောင်းလောက် ကျသင့်ပြီး Gradient Blue ၁ ရောင်ပဲ ထုတ်လုပ်ထားပါတယ်။ ဒီလ ၂၅ ရက်နေ့ ပို့ဆောင်ပေးမှာပါ။
Ref : gizmochina
