Google က ဒီနှစ်မှာ ရောင်းမယ့် Pixel 6 Series စမတ်ဖုန်းတွေအတွက် Pixel Stand ကိုပါ ထုတ်လုပ်ပေးမှာ ဖြစ်ပါတယ်။ Pixel Stand ဟာ Wireless Charger ဖြစ်ပြီး အရင်က ဓါတ်ပုံ တချို့ ပေါက်ကြားထွက်ပေါ်ခဲ့ဖူးပါတယ်။ အခုလည်း ဓါတ်ပုံ ၁ အသစ် ၁ ပုံ အွန်လိုင်းမှာ ထွက်ပေါ်လာပြီး ဒီဇိုင်းကို လေ့လာလို့ရလာသလို သတင်းအချက်အလက် အသစ် တချို့ကို သိလာရပါတယ်။
တခြား Wireless Charger တွေထက် အရွယ်အစား နည်းနည်းပိုကြီးမားတဲ့အတွက် အားသွင်းရင် ပိုမြန်အောင် Cooling Fan ၁ လုံး ထည့်သွင်းထားနိုင်ပါတယ်။ Charging Coil ၂ ခု တပ်ဆင်ထားမှာ ဖြစ်ပြီး ၁ ခုက ဖုန်းအတွက်ဖြစ်ကာ နောက် ၁ ခုက တခြား Compatible Wearable အတွက် ဖြစ်ပါတယ်။ Fast Charging အကြောင်းပြောရရင် တချို့ Pixel မော်ဒယ်တွေအတွက် 23W Fast Charging အထိ၊ Qi-certified Wearable တွေအတွက် 15W နဲ့ Pixel Buds အတွက် 3W အထိ ထောက်ပံ့နိုင်ပါတယ်။
Stand ကိုယ်ထည်ရဲ့ ၅၄ ရာခိုင်နှုန်းကို ပြန်လည် အသုံးပြုနိုင်တဲ့ ပစ္စည်းတွေနဲ့ တည်ဆောက်ထားပါတယ်။ Rock Candy နဲ့ Fog အရောင် ၂ မျိုး ထုတ်လုပ်ထားပြီး Pixel ဖုန်းတွေနဲ့ Stand အကြားမှာ နက်ရှိုင်းတဲ့ Software Integration တွေ ဖန်တီးပေးထားပါတယ်။
Google Assistant Visual Spotlight , Photo Frame , Sunrise Alarm , Media Immersion , Bedtime Experience , Home & Media Controls စတဲ့ လုပ်ဆောင်ချက်တွေ ပါလာမှာ ဖြစ်ပါတယ်။ Pixel Stand ကို အမေရိကန်မှာ ၇၉ ဒေါ်လာနဲ့ ရောင်းချမှာ ဖြစ်ပြီး လက်ရှိပေါက်ဈေးအရ မြန်မာငွေ ၁ သိန်းခွဲလောက် ကျသင့်မှာပါ။
Ref : gsmarena
